بين الخجل والغلا للشوق محلاهـا

[نوف]

[align=center]


[poem=font="Simplified Arabic,4,white,normal,normal" bkcolor="transparent" bkimage="backgrounds/38.gif" border="none,4,gray" type=0 line=0 align=center use=ex num="0,black"]
يازين كلمة حبيبي مـن شفاياهـا
لاسلهمت باالعيون وصوتها زينـي
بين الخجل والغلا للشوق محلاهـا
كلمة غلا تعتمـد بيـن المحبينـي
من صادق الود كن العين تقراهـا
تفهم لغة عينهامن نظـرة العينـي
عن خافي الروح يضحك لك محياها
تعطي عن الحب مدلول وبراهينـي
حتى العتب من شفاها يوم نلقاهـا
كنـه يرحـب وقدامـي يقهوينـي
من حبها لك ربوعك مـن دناياهـا
لارضاك تتعب على جمع القريبيني
هاذي مزايا الغنوج اللـي تمناهـا
راع الهوى اللي تولع باالمزايينـي
ماهي من اللي تغثك في زراياهـا
وتنكد العشره اللي ساسها شينـي
تزعل وترضى وهي دايم بعمياهـا
وتعاون الوقت من ضمن المساكيني
يااللي تمنـى السعـاده لاتغالاهـا
لو ان ابوها طلب بعض الملايينـي
ماهي خساره وكل المـال يفداهـا
لوتلحق المال روحك واشتل الديني [/poem]

برق الوسم[/align]