....مثل رش ٍ فوق متسفي الغضاره....

[رغدالشيباني]

عفى الله عما سلف..ويقال أتقوا لسان الشاعر إذا غضب
بويتات هجائيه في أحدا الأداريات (سُميه)وهي لمواقف كثيره لاتحمد عُقباها

وقد وجهتها لزميلتي الغاليه ساميه وذلك لحبها الشديد لها


الحب حارم ساميه راحة البال
الكل يسأل وش علام البنيه

ياساميه وشلون تشكي لي الحال
الحال صعبه والمحبه قوية

حراام هذا اللي كتبتيه قد طال
الحبر مايخسر فـ نفس ٍ رديه

خلّــي الشموخ اللي عطيتيه تمثال
يشبع غرورك كل صبح وعشيه

حتى أبوها إلقهاويها شيّال
أتعبتي الوالد بروحه وجيّه

طمعان فالراتب ولاطاله ريال
يحلم بقرش ٍ كل فجر وعشيه

ياعل بيت ٍ تسكنه يجيه زلزال
يحيون أهل الدار إلا سُميه

وأستغفرك ياخالقن كل الازوال
ياخالق قلوب البشر شاعريه