قديمة جداً

[؛؛ابو ريناد؛؛]

الشاعرلويحان


هذا شاعر قديم احتفض بقصيدته من أكثر من 15 سنه من ضمن الشعراء التي احتوت مذكرتي على قصائدهم فلعلها تعجب القارئ

البارحه ما هملج الطرف بنعاس
مافاض من نجم عيوني تخيله
لاباس ياعيني على السهرلا باس
على وليف فات ماألقى مثيله
عنا قطع شوف المواصل له أرماس
ولافي يدي من نابي الأرداف حيله
فيما مضى ياخذ جوابي من الراس
واليوم لا عاني وأنا ما عنيله
العشره اللي ما توثق على ساس
اطيح لو صارت حصون طويله
يا ونتي منها المعاليق يباس
صبري قضى ما باقي الا قليله
صبرت صبر صابني منه وسواس
صبر له النفس العزيزه ذليله
على وليفٍ حال من دونه الياس
والياس طبٍ للقلوب العليله
من يتبع المقفي مرده بالافلاس
مثل اللذي بالقيظ يدفق صميله
هذي دروب الحب جداد ودراس
الله يمضيها بستر وجميله
موفق بالخير يا ظبي الأطعاس
لا تحسب الدنيا بأهلها طويله
الصاحب الغالي تحطه على الراس
واللي يودك تدور بديله
وصلاة ربي عد ما هب نسناس
على نبي وضح الله دليله

[ރالزيــاديރ]

صح لسان الشاعر

ولاهنت على النقل

تحياتي لك

[؛؛ابو ريناد؛؛]

لاهنت يالزيادي مرورك شرفني

[||كلَي شموخ||]

يعطيك العافيه
قصيده رائعه
لاهنتـ

[الأمير الفارس]

الله يعطيك العافية

أبو ريناد

شكراْ لك

تحياتي

[ذبــاح]

الله يعطيك العافيه قصيدة رائعه

صح لسان الشاعر ولاهنت على نقلك

تقديري~

[عتيبية متهورة]

مشكوووووور والله يعطيك الف عافيه