ذنـــــــــــــوب الـــقـــصــــايــــد ؟!!

[فواز الشيباني]

قلت غمض عيونـك قـال وشلـون أشوف
_______ قلـت شفـنـي بقلـبـك قــال رأيٍ صـويـب
يوم غمض عيونه قلت لـه وش تشـوف ؟
_______ قال أشوفك صبـاحٍ قبـل يشـرق يغيـب !!
قلـت فتـح عيونـك : زدت خوفـي بخـوف
_______ وأشقاي وضياعي .. كـان هـذا النصيـب
كـل ليلـه وطيـفـك فــي خيـالـي يـطـوف
_______ لا بـعـيـدٍ بـعـيـد .. ولا قـريــبٍ قــريــب
كل ليله جروحك وسط صـدري ضيـوف
_______ وأنت مـن قبـل لاتنـزف جروحـك تطيـب
ياطـعـون الليـالـي طــال لـيـل الـوقــوف
_______ لاذبـحـتـن قـتـيـل ولاعتـقـتـن صـويــب
بيـن صدمـة خـوي وبيـن طعنـة هـنـوف
_______ رمح الاوجاع فيني كثـر ماأخطـا يصيب
وأنــت يالـلـي تـعّـذر للـقـا بالـظـروف؟
_______ لـو تعّايـش همومـي كـان رأسـك يـشيـب
أطعـن الصـمـت آه وتسـكـن الآه جــوف
_______ وأزعج الصـوت وأسمـع للمواجـع نحيـب
آه ياكبـر خوفـي لاغـدى الصبـح خـوف
_______ وآه مـن جرحـك الـلـي حـالـفٍ مايطـيـب
عـن ذنـوب القصايـد أعتـذر للـحـروف؟
_______ دام صارت حياتي مثل ( راحل غريب )!!



مــنــصـــور الــرويــلـــي

[إبن ثعلي]

قصيده رائعه وتسلم اخوي فواز على حسن الاختيار
تحياتي

[((الدلبحي))]

تسلم يمناك وصح السان منصور الرويلي


تحياااااااااااااااااااااااااااتي

[طويل الذراع]

لاهنت يافواز اختيار مناسب


تحياتي

[فواز الشيباني]

اخي ابن ثعلي

شاكر لك تواجدك الرائع

لاخلا ولاعدم ياغالي

[فواز الشيباني]

اخي الدلبحي

مشكور ياغالي على المرور

لاهنت ياغالي

[فواز الشيباني]

اخي الغالي
طويل الذراع

مشكور على المرور المشرف

الله يعطيك العافيه ولاهنت

[سلمان الذيابي]

بيـن صدمـة خـوي وبيـن طعنـة هـنـوف
رمح الاوجاع فيني كثـر ماأخطـا يصيب



















تسلم يمينك يالذيب








لك صادق الود

[فواز الشيباني]

اخي سلمان الذيابي

مشكور على
المرور الرائع
لاخلا ولاعدم يا غالي

[فهد العايضي]

صح لسان شاعرها

والف لاهنت يافواز

وتسلم يمينك