محاوله وابي رايكم

[الثعلي.com]

السلام عليكم ورحمة الله
يا جماعه هاذي اول محاوله لي واتوقع فاشله وابي رايكم من دون مجامله
ملاحظه:العمر:15



ركبت اللي مركبه ماينعاف*******B M W وارد ألماني

قمة الفخامه والسرعه ماتنشاف*****فل اوبشن ولا كان عادي

موتر له هيبةٍ وسط الوقوف*****تصير كل السيارات حوله عراوي

كأنه المها بين الآلاف******مسيطر على الوضع تمام التمامي

وليا منك ولعت السلف******* تسمع له انغام وألحاني

احمد الله المعبود اللطيف***** اللي نعمه كثر الترابي



شكراا ادري ان الابيات فيها اغلاط واجد بس نتعلم منكم وبكل صراحة والله لا يهينكم

[فواز الشيباني]

اخي الثعلي

محاوله لاباس فيها

ولي تحفظ على الشطر الاخير

الله يعطيك العافيه ولاهنت

[((الدلبحي))]

الثعلي.com

وعليكم السلام ورحمة الله وبركاته

اخي الكريم اتوقع ان هذه القصيده الاولى لك

فانت لاتوجد لديك خلفيه عن القاف ولا المعنى ولا الوزن

القاف لديك فيه اختلاف (ماتنشاف_الوقوف_اللطيف)

لماذا لم تبني القصيده على اف ولماذا لم تبني الشطر الثاني على اني

اما المعنى لديك متناقض الى حد كبير (وليا منك ولعت السلف)
(اللي نعمه كثر الترابي)

الوزن هو لحن يمشي على القصيده كامله واذا وقف الحن او حصل ثقل
هذا اما كسر او خلل في الوزن ولاكن يستحيل دخول الكسر فالقصيده وانت تغنيها لابد وان يتعدل البيت معك وهذا كله في بداياتك ولا بعد فتره راح تتعلم انت وتعرف كل هذه الامور مستقبلا

اكثر من قراءه القصيد والاستماع الى المحاوره والحانها فهي تنفعك

واتمنى لك التوفيق ومن سار على الدرب وصل

اخوك

[بنت العطاوي]

الثعلي انت شاعر مبتدى وهذي اول محاوله وتعتبر ممتازه ومع الوقت يتحسن شعرك وبكره تدش عالم الشهره وتحقرناااااااا ههههههههه والله وايد حلوه وانت توك صغير والى الامام
اختك نجلاء العطاوي

[إبن ثعلي]

ركب اللي مركبه ماهوب ينعافي*******نوع B M W وارد ألماني

الفخامه قمة فيه تنشافي*****فل اوبشن شانها شاني

موتر له هيبه بكل ميقافي***** وقفة يرجح بها كل ميزاني

شكلها مثل المها عند الاوصافي******منوة اللي حده البعد حيراني

تعجبك في شوفها قدم وخلافي******* وسلفهاتسمع له انغام وألحاني

احمد الله عالم الجهر والخافي***** نعمته ينعم بها كل انساني

الثعلي كم شكرا لمحاولتك ومن سار على الدرب وصل وقد حاولت اعدل لك على عجل والمطلوب من كل شاعر المحافظه على الوزن وقوة المعني
تحياتي

[نوف]

[align=center]

اخي الثعلي محاوله ناجحه وبالتوفيق

واستمر والى الامام ولاتنظر للخلف

أرق تحيه لك

[/align]

[راع المحاني]

المشاركة الأصلية كتبت بواسطة بن ثعلي ركب اللي مركبه ماهوب ينعافي*******نوع B M W وارد ألماني الفخامه قمة فيه تنشافي*****فل اوبشن شانها شاني موتر له هيبه بكل ميقافي***** وقفة يرجح بها كل ميزاني شكلها مثل المها عند الاوصافي******منوة اللي حده البعد حيراني تعجبك في شوفها قدم وخلافي******* وسلفهاتسمع له انغام وألحاني احمد الله عالم الجهر والخافي***** نعمته ينعم بها كل انساني الثعلي كم شكرا لمحاولتك ومن سار على الدرب وصل وقد حاولت اعدل لك على عجل والمطلوب من كل شاعر المحافظه على الوزن وقوة المعني تحياتي

هذي على عجاله؟؟ :)

وشلون اللي ماهي على عجاله ياشايبنا؟؟

[المملوحه]

الدلبحي .. ماقصر بيض الله وجهه

وبن ثعلي ابدع حقيقه

وشاعرنا الجديد .. كن واثق اذا كانت لديك الرغبة الصادقة والعزيمة والارادة ستصل لما تتطلع اليه نفسك في فترة قصيرة ..
ونحن في انتظار محاولاتك القادمة ..

تحياتي