واخذ بي على درب المحبين سبع اشواط

[بناخي عتيبة]

[poem=font="arial,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
رماني وليفي في شباكه وانا محتاط =ولا فادني كثر الحذر منه والحيطة
شبكني ولا لي فيه حيلة وشد رباط =على قلبي حباله طويلات ومحيطة
وانا قبل اشوفه كنت احسب الغرام هياط =واقول الهوى كذبة سفيهن وعببيطة
اكابر على طرق الهوى والهموم بساط =واحافظ على قلبي ولا احب توريطة
الين الهنوف اللي تمشى بحد الشاط =عطتني برمح الزين فالقلب توسيطه
على حسنها الطاغي تواضع بدون افراط =خطف ناظري منها الحيا في تباسيطة
مقوس حجاجه كنها ريشة الخطاط =ليا رف يمي ذبت انا في تخاطيطه
تصبب عرق وجهي وانا في نهار شباط =بدت لي علوم القلب وبانت خرابيطه
خذا بي على درب المحبين سبع اشواط =جذبني على سلك الحرير وثنى خيطه[/poem]

[اصايل]

مقـوس حجاجـه كنـهـا ريـشـة الخطاط ***ليـا رف يمـي ذبـت انــا فــي تخاطيـطـه


*_*


صح ايرادك


لاهنت

[شيخ الشيوخـ]

ياسلام عليك
سلم نقلك وانا اخوك وياليت تجيب لنا شاعرها

والله يحييك يابناخي عتيبه ويبيض وجهك على النقل

[حورية نجد]

سلمت يابناخي عتيبه...على النقل

[وجودك يكفي]

تصبب عرق وجهي وانا في نهار شباط =بدت لي علوم القلب وبانت خرابيطه
خذا بي على درب المحبين سبع اشواط =جذبني على سلك الحرير وثنى خيطه

صح لسان شاعرها وبيض الله وجهك يابناخي عتيبة على الأختيار والطرح الرائع

[بناخي عتيبة]

الأخ : شيخ الشيوخ و الأخوه الأعزاء أصحاب الردود
بعد شكركم على مروركم الكريم
أريد أن أنوه أنني قد أخطأت في طرح القصيدة في هذا المنتدى المعني بالمنقول
وقد تم تصحيح الخطأ وتم طرحها في منتدى قصائد الأعضاء وهي لي
( بناخي عتيبة ) وقد توجد في منتديات أخرى باسم ( بدر العامري ) وهو لنفس المعرف بناخي عتيبة
معتذرا لكم عن هذا اللبس وشاكرا لكم متابعتكم ونورتو متصفحي