قال الفراق ؟...وقلت ....وش عاد ....يعني

[نظره خجوله]

السلام عليكم ورحمة الله وبركاته


/

قال الفراق ؟...وقلت ....وش عاد ....يعني

منّاك يالله لو سمحت اقطع الصوت

واشوى.....!..بحزّة قلتها ..ماسمعني

وش ..عاد يعني......!!مادريت انه الموت

وقال الغرام..؟..وقلتله مانفعني

هذاك لو اني حظيظن ومبخوت

وقال العناد...؟..وقلتله مامنعني

مكثر من اعناد(ن) على لعب بيلوت

وقال الغرور...؟..وقلتله ....مارفعني

ماظنتي بأن الكبر يعمر بيوت

قال التواضع....؟...قلت بالله .....طعني

خلك عليه بذمتي تقطف التوت

قال التسّرع....؟...قلتله ماتبعني

ماينفعك لاصيّحوا فاتك الفوت

وقال الصحيح..؟؟...وقلت طبع(ن) .طبعني

ماهو لباسن تلبسه لبسة الكوت

وقال الشعر.....؟....قلت الشعر ماوسعني

يكفيك بندر والفراوي وبخّوت

بالله كف.....عن السؤال ودعني

يعني خلاص الصمت لولو وياقوت

قال الفراق......؟..وقلت وش عاد...يعني

بكل برود ومادريت انه الموت



منقول : لعبد الكريم الجباري الشمري..

[ناصر بن سعدي]

لاهنتي أختي نظره خجوله

على النقل الجميل والإختيار الموفق ..

وصح لسان الشاعر / عبدالكريم الجباري ..

وفيه شطر أظنه كذا

بالله كف.....عن السوالف ودعني

وبالتوفيق لك أختي ..

[نايف تراحيب]

صح لسان عبد الكريم الجباري

وتحياتي وتقديري


/


،

[نظره خجوله]

اخوي ناصر بن سعدي ..شاكره ومقدره لك حضورك الراقي

/

وبالنسبه للشطر الذي ذكرته .. نفس الي بالقصيده


بالله كف.....عن السؤال ودعني

انا قريتها القصيده من اكثر من موقع واخرها موقع ابيات للشعر..

والله اعلم..

[نظره خجوله]

المشاركة الأصلية كتبت بواسطة [ نايف العتيبي ] صح لسان عبد الكريم الجباري وتحياتي وتقديري / ،

هلا وغلا بنايف العتيبي..

/


اسعدني حضورك ..

[وجودك يكفي]

صح لسان الشاعر عبدالكريم
ولآ هنتي يالنظره الخجوله على النقل المميز

[النجم الأصيل]

صح لسان الجباري

لاهنتي نظره

[نظره خجوله]

وجودك يكفي

/

الاصيل



شاكره ومقدره لكم حضوركم الراقي..

[سلطان الشوق]

نظـــــــره خجولـــــــه

صح لسان شاعرها وصح نقلك

لا هنتي

[نظره خجوله]

المشاركة الأصلية كتبت بواسطة سلطان الشوق نظـــــــره خجولـــــــه صح لسان شاعرها وصح نقلك لا هنتي

وصح بدنك اخوي

:


شكرا لك..