دلــــــــــع نـــــــــوف

[فهد بن فهم]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تبي تشرح وانا خابرك اعرفك قلبي الملقوف"="نصحتك عن هواها قلت لك هذيك لعابه

ولاطعت النصيحه والرجاء يالمبتلى وحلوف"="خذتك بسحرها مسكين تنزل به وترقابه

وأنا والله رحمتك يوم شفتك يالشقي مشغوف"="وطاوعتك على أمرٍ منه روحي حيل مرتابه

علامك ماتصدّق عين تخلص لك وفاء وتشوف"="علامك ماتطاوع عقل طبعه يفحص أحبابه

رجعت اليوم تشكي لي شقى صد ولع ملهوف"="وانا ادري وانت تدري والزمن مايمهل عتابه

اكيد الوقت مايقبل عذر مهما وراه ظروف"="يحمّل كل مذنب غلطته ويضاعف حسابه

وحاسبك انت عن حبٍ تعدّى حده المألوف"="علشانك عطيت البنت شريانك تلهى به

تراني قد نصحتك والصديق من العدو معروف"="وقلت إلك النوايا تختلف بوجيه تتشابه

وقلت إلك الطريق اللي مشيته فيه غدر وخوف"="وحطيت النقط فوق الحروف بشرح وكتابه

وتجاهلت ونحيت ورحت ماكني معك مكلوف"="تعيّشني قلق ياقلب وانت الذنب وأسبابه

انا ماني رهينٍ لك ولاني في خطاء موقوف"="نفذ صبرٍ صبرته وانت ياقلب العني ادرابه

صبرت ومل صبرٍ طال لايرجى ولامخلوف"="خطاي إني تركتك تنخدع بوعود كذابه

تركتك تنخدع مره ومره في شرايك نوف"="تغنج لك وتضحك لك وانا ادري نوف لعابه


[/poem]

[النـايــــــف]

صح لسانك اخوي فهد بن فهم


وبيض الله وجهك يا الغالي



تحياتي لك ،،،،

[فهد بن فهم]

هلا يالنايف

حياااااااااااك الله

شرفت اخوك

شكرا لطيبك وكرمك

لاهنت

[نوف]

[align=center]





ههههههههههههههههههههه

فهد الله يجازيها ليش

تلعب بمشاعرك ماعندها نظر

و الله يعوضك قصيده رائعه

ومشاعر أروع واحساس

جميل وشاعر صادق


لاعدمناااك[/align]

[جراح العتيبي]

فهد بن فهم


يصر على قتلي


شاعر راقي جدا


يشعرني بالشعر الحقيقي الاصيل



تلقائي جدا



((( يظرب على اوتاري الحساسه)))



صح لسانك


دمت لنا مبدعا


كما هي طبيعتك

[فهد بن فهم]

هلا نوف

لم يكن لعب يانوف

بل كان دلع وغنج لايوصفان

شكرا لك ولكرم زيارتك

لاهنتي

[فهد بن فهم]

جراح

يسعدني يابن عمي قراءتك لقصائدي المتواضعه

رجل بحجمك افتخر بتواجده في متصفحي

شكرا لك

لطيبك

لحضورك

لاهنت

[سلمان]

يافهد يافهد


صح لسانك وانا اخوك
وبيض الله وجهك




مع خالص تقديري

[إبن ثعلي]

صح السانك يافهد ماقصرت قصيده رائعه جدا
تحياتي

[المملوحه]

صــــــــــــــــــــــح لسانك مبدع كالعاده الشاعر الفذ فهــــــــــــــــــــد

ابيات ولا اروع

وكل قصيدة اجمل من اختها



تحياتي