بعض العرب ما ينعطى وجه بالحيل

[اخو من طاع الله]

السلام عليكم ورحمة الله
والله يسعد أوقاتكم بكل خير
=-=-=-=-=-=-=-=-=-=-=-=-=-=-=-=

بعض العرب ما ينعطى وجه بالحيل
0000 وليا عطيته وجه صارلك عله

وبعض العرب ماله سنع لكن حليل
0000 بالضبط كأنك لا تمعنت ظلـه

وبعض العرب مرسال مدري مريسيل
0000 يساير العالم وهو حاصل ٍ لـه

وبعض العرب ما غير بندق ودربيـل
0000 ومنين ما هب الهوى جايز ٍ له

وبعض العرب يطلع كما طلعة سهيل
0000 ويغيب نجمه قبل دربه يدلـه

وبعض العرب يذيك بالقال والقيـل
0000تجلس معه ساعه والاخرى تمله

؟؟؟ وخسيس يفصل الهرج تفصيـل
0000 وليا لقى له طيب ٍ يستغلـه

وبعض العرب منظر وكشخه وتحليل
0000 شبح بحال وحال اخرى كرله

لاشفت زوله من خيار الرجاجيـل
0000 وليا عرفته ما تجيه بمحلـــه

وبعض العرب ماضيه ليل ٍ بلاليــل
0000 قد بصموه وصورله ادلـــه

وبعض العرب لا والله الا تهاويــل
0000 مهما عقدت الحبل لازم يحلـه

قد دربوه ولكعوه الرجاجيــــل
0000 من قبل لا يصير الحدث جاهزٍ له

وكانك شجاع اصحيح حارب سرائيل
0000 قبل اليهود القدس لا تستحلــه

وكلش يهون الا الثلاث الغرابيـــل
0000 المهزله والمسكنه والمذلــــه



الشاعر: عبـــدالله باتـــل الرشيــــدي

[إبن ثعلي]

تسلم ياعبدالله على نقل القصيده وصح السان شاعرها
تحياتي

[فيصل المسعودي]

تشكر عبدالله


وصح لسان الشاعر


تحياتي

[اخو من طاع الله]

مشكورين على التواجد

[النـايــــــف]

مشكور اخوي عبدالله الحافي


على هذا الاختيار


تحياتي لك ،،،

[عزام الوسمي]

تسلم يابو عابد <<<<

نقل طيب تشكر عليه <<<

تحياتي <<

[عتيبيه كول]

مشكوووووور اخوي عبداللــــــــــــــــــــه على روعـــــــــــة الاختياار والنقل

صح لساااااااان عبدالله الرشيدي

ولاهنت يالغااالي

تحيااتي للجميع ,,,,

[اخو من طاع الله]

اشكركم على تواجدكم وعلى التعليق الررااائع

[سلمان الذيابي]

الف شكر اخوي عبدالله

























وصح لسان شاعرها























على فكره عندي سؤال















انت من اهل عسيله