الإبـــــــــل

[القوس اخو عيده]

[align=center] يامحلا ممشاً مع الإبل مراويس ~~ لاصار نبت الوسم جاله مواري

واشوف فيه الإبل رتوع ومعابيس ~~ اللي تشوق القلب سفن الصحاري

ترعى على المقهور عنده مغاريس ~~ ترعى النبات وتشرب من الخباري

في ديرةٍ ماطش فيها غرض كيس ~~ ولافيه غير الإبل وجول الحباري

فيها بكار اثنى وفيها سواديس ~~ تعجبك يارجلٍ على الطيب ضاري

سند الغوارب مبعدات المراميس ~~ سهاف الوجيه اذانها كالشباري

اعراض الجنوب مكسبٍ للسناعيس ~~ بالسيف الاملح والنمش والسواري

حنا لها نتبع هواها عواسيس ~~ في الصيف ولا في حتون الصفاري

مرباعها في موقعٍ مابعد ديس ~~ قفراً خلى ماجاه غير الحباري

ترعى نبات الله وتسلم غثى الكيس ~~ وتسرح مع القعده وتضوي العصاري

في خاطري ممشاً مع الإبل نواميس ~~ وابعد عن الصجه بوسط الحواري

وممشا مع الإبل فالجلد والطعاميس ~~ عندي يساوي مالكين العقاري

هذي مناتي يوم اهوجس هواجيس ~~ الإبل هوى بالي وهي اختياري

وصلاه ربي عد كتب القراطيس ~~ واعداد ماتنبت غصون الشجاري

واعداد ماهبت هبوب النسانيس ~~ على النبي عدة صحيح البخاري [/align]

[إبن ثعلي]

صح السانك ياخو عيده ولاهنت قصيدة رائعه
وتحياتي لك

[القوس اخو عيده]

[align=center] صح بدنك يابن ثعلي ولاهنت واسعدني مرورك[/align]

[النجم النادر]

صح لسانك قصيدة جزلة

[البارع]

القوس اخو عيده...اولاً:صح لسانك..

ثانياً:القصيده هنا يبغا لها اعادة نظر للوزن لانها مليانه كسور،،

اتمنى لك التوفيق في نصوص قادمه تقبل مروري وتحيتي

[فهدالعطاوي]

بارك الله بك , شكراً أخي الكريم

[صقر الشيابين]

يامحلا ممشاً مع الإبل مراويس ~~ لاصار نبت الوسم جاله مواري

واشوف فيه الإبل رتوع ومعابيس ~~ اللي تشوق القلب سفن الصحاري

ترعى على المقهور عنده مغاريس ~~ ترعى النبات وتشرب من الخباري

في ديرةٍ ماطش فيها غرض كيس ~~ ولافيه غير الإبل وجول الحباري

فيها بكار اثنى وفيها سواديس ~~ تعجبك يارجلٍ على الطيب ضاري

سند الغوارب مبعدات المراميس ~~ سهاف الوجيه اذانها كالشباري

اعراض الجنوب مكسبٍ للسناعيس ~~ بالسيف الاملح والنمش والسواري

حنا لها نتبع هواها عواسيس ~~ في الصيف ولا في حتون الصفاري

مرباعها في موقعٍ مابعد ديس ~~ قفراً خلى ماجاه غير الحباري

صح الله لسانك اخوي وقصيده جزله من لسان جزل