!!مشكلتي!!

[(اجمل احساس)]

[align=center]السلام عليكم ورحمة الله وبركاته

اعرض عليكم مشكلتي واتمنى تلقون لي حل

مشكلتي مع البابا الله يخليه ويحفظه

احم احم البدايه

ابوي السنه هذي بعد ماخلصت الثانوي شرا لي لاب توب وهو عادي

وموافق وبديت اشارك في منتديات بعدين قرى في جريدة عن

الانترنت وكان كله تحذير عن المواقع الاباحيه والدردشه

بعدين قلب علي كل ماشافني قال تراني بكسره بس تتفرجين

بالصور الخليعه ويشهد الله اني مااشوف صور ولا اتكلم

مع شباب واذا جيت بقوله واعلمه واوريه اللي ادخل عليه

يقول ماابي اشوف شي فكيني منك ومن شرك احس انه قلب

علي مرة ،،وانا تعودت على النت وشاركت مااقدر اتخلى عنه

ارجوكم قولوا لي وش اسوي مع البابا...انا صرت ماخليه يشوفني

عليه من اسبوع ..بس خايفه من الفاتورة

مع ان ابوي اذاجت الفاتورة مايناظر فيها يدفع على طول

بس خايفه يدورشيء عشان يفتك من النت ويقول تصرفين

علي

وسلامتكم

محبتكم **عتيبيه**وبس**[/align]

[اميرة عتيبه]

ههههههههههههههه

حلووه مسكلتك

والمشكله ان عندي نفس المشكله

فاذا لقيتي حل قولي لي ....

[حسام هوازن]

يــ عتيبية وبس

لااعلم ماذا اقول ولكن الانترنت به الجميل والسيء
ولكن يختارالانسان من الجميل والسيء بتحكمه الخاص
به.. يوجد بالانترنت الفوائد العديدة التي لاتحصى
مثل قراءة الجرائد والصحف حيث به مواقع خاصة بها
مواقع الاسهم بحث الكتب عن دراسة الجامعات والمعاهد
ان تولدت الثقة بين الطرفين الابناء والاباء فانه سيزول التوتر بسبب النت
من قبل الاباء .. ولذلك عليكي يعتيبية وبس بطريقتكي السلسة ان تبيني للوالد
استخدامك الايجابي وعن الاشياء الايجابية في الانترنت وفي المناقشة الهادفة
ستزول انشالله المشكلة ... اتمنى ان تحل لديكي المشكلة
واتمنى ان افدتكي بشيء

تحياتي لكم
ودمتم بألف خير

[اخو من طاع الله]

والله مشكله اختي
بس مرينا عليها كلنا في البدايه بس شده وتزول
اما بخصوص الفاتوره انا اتحملها من الريال الى 1500
لكي او لبعض الاعضاء الي اعزهم في المنتدى
الحمد لله الوظيفه زينه والراتب حلووووووووووووو
بس مشكلة الوالد انا اقول طاعة الوالد واجبه واذا كانت امكي
موجوده خليها تفهم الوالد الله يحفظه عن الجوانب المفيده
يقول العلماء من وقع في الشبهات اسي به الظن
وانتي حولي ما تضعين نفسك في موقف محرج وكوني حذره
عشان الوالد ما يجي على باله الكلام الي سمعه من الاخرين
وانا احملكي جزء من المشكله انتم تتاخرون على النت ولا تقمون
بواجبات البيت عشان كذا الوالد تقفل معه
اذا شاف النت غير على سير الحياه وارجعها الى الخلف
والله ا يتكلم وينزعج من النت هذا ما اعتقده
انتي كوني حريصه على واجبات البيت ونشيطه في الواجبات الاسريه
والله ينبسط منكي وبهذي الطريقه ما راح يتكلم وتتجاوزين المشكله
بكل سهوووووووووووووووووله
اسف على الصراحه
ولكن انتي طلبتي النصيحه والنصيحه امانه
اتمنى لكي التوفيق والسعاده في الدارين

[(اجمل احساس)]

الله يعطيكم العافيه

ويجزاكم كل خير

ويوفقكم بس

الوالد شايب يعني

ماعنده تفاهم

وانا ماادخل الااذاراح

او في الليل اذا نام

[فهد المطيري]

عتيبيه وبس

بالنسبه لكلام السلاااح الجوي يوم يقول الفاتوره ماعليك منها علي من الريال إلى ألف 1500 انا اسددها

اتركيه لايهمك تراه مهايطي انا اطلبه 500 ريال ماسدد إلى الآن كخخخخ

اما بالنسبه لمشكلتك والله بصراحه انا اشوف أنه عندك عدة خيارات

إذا نفعت وإلا اتركيه من جد . <<--- أنتبهوا لايجي في بالكم اني حاقد عشان اسجنتي كخخخ لا والله بس الشي الصح . صح

الاختيار الأول : أنك تحاولين أن تفهمينه بأنك تحتاجين النت في مجال دراستك .

الاختيار الثاني : أنك تقنعين ابوك أنه يكون موجود عندك أثناء استخدامك للنت حتى لايسيء الظن بك .

الاختيار : الثالث أنك تطلبين منه ان يحدد لك وقت معيٌن هو بنفسه تقضينه على النت .

الاختيار الرابع : أنك تفصيلن سليكاتك هاذي اللي أنتي مجمعتها وتحطين الجهاز في شنطته وتهدينه

على راعي الفواتير السلاح الجوي كخخخ ومالك ومال بعض المشاكل .

لاكن مسألة أنك تستخدمينه بدون مايدري هاذي بصراحه مشكله . لأنه مهما كان راح يدري وفي هذه الحاله

صدقيني راح يشك فيك بدرجه كبيره بشكوك أنتي في غناء عنها . ويبي يحس بأنك ما اعتبرتي كلامه لك

واستمريتي مثل ما أنتي ( ويا رضى الله ورضاء الوالدين ) وراح يأخذ منك موقف

هذا حسب وجهة نظري المتواضعه . وأنتي حره ياعتيبيه وقطو . قصدي وبس

ولك تحياتي

[(اجمل احساس)]

الله يعطيك الف عافيه

يافهد خلاص مانيب ساجنتك

انشالله بختار وبشوف وش رد

فعل الوالد وبقولكم

اما الكمبيوتر اهديه على

السلاح يبيلهاتفكير بصراحه

متحسفه عليه يتكسر قدام عيوني

يعني ماقال بيعيه ولا اهديه ,,تكسير على طول

[اخو من طاع الله]

ههههههههههههههه
من وين تطلبني يا فهد 500 الله يحفظك
هههههههههه
انا قد كلامي واذا انت عجزت عن الفاتوره ارسل لي
رقم الاشتراك وابشررررررر يا مطيررررري
هذا فعلنا مع بعض العتبان قد انت تتسغرب هذي
الاموررررررررر لكن بين العتبان ما هي غريبه
حنا قدمنا اروحنا لبعضنا عجزنا عن سداد الفواتير
والله عيب عليك يا مطيري بس لا تعودها مرررره ثانيه
ترررررررررراني ازعل واذا زعلت اطلقت الصواريخ الجويه
هههههههههههه
ههههههههه
عتيبيه وبس اذا انصكت كل الطررررررق ارسلي لي الجهاز
وبعد ما تفررررررررج ان شاء الله ارررررررجع الجهازززززز لكم
هههههههههههه
تحياتي لكي والله انه اعجبني صرحتكي
شكرأ لكم

[اخو من طاع الله]

بسيطه يا عتيبيه اذا كان شايب سووووووي القهووووووه
كل يوووووووووم بدري وحطي مسمار وزعفرررررررران
يعني احبكي الدله صح
وسوي القررررررررصان مع الدهن بعد الدله
وشوفي النتائج والله غيرررررر تدعين لي كل بعد صلاه
هههههههههه
هههههههههه
انتي ليه ما تحولين في امك تقنعه وتغيررررر فكررررررررته عن النت
انا مع اخوووووووي فهد قوووووووولي مدرستي او عملي يطلب مني هذا
وان شاء الله تفرررررررررررررررج

[(اجمل احساس)]

امي تقولي انتي تصرفي انا مالي دخل فيك

بس بحاول اتصرف بحلولكم وانشالله انجح

بسوي القهوة والقرصان بعد الفجروابدا المهمه

ادعووا لي

والله يجزاكم الف خير