اقلبي وجهك

[الروسان فرسان]

السلام عليكم ورحمة الله وبركاتة
اسعد الله صباحكم لمن عنده صباح واسعد الله مساءكم لمن عنده مساء
هذه قصيدة تحكي معاناة شاعر مع حبيبته التي خانته وهو مغرم فيها
القصيدة فيها من المعاني والكلمات القويه التي تنقل لمستمعيها معناته
اترككم مع القصيدة



خسيتي لعنبو خدك ؛ خسيتـي والغلـط ينعـاب
خسيتي واقلبي وجهـك ؛ ولا كلمـه ؛ ولاجابـه

خسيتي والزمي حدك ؛؛؛ تراها ضاعـت الاداب
انا ليا طاشت جنوني ؛ يعـرف الجاهـل ادابـه

وش المغزا من الكلمه وش الداعي!! وش الاسباب
وهرج الكذب والتجريح!! قوليلـي وش اسبابـه

انا الشرهه علي اني فتحت لخافقـي كـم بـاب
ولكن مثل ماجيتي !! تـرا كبـر الجمـل بابـه

خذي نفسك معك برا ؛ ثم انقلعـي بـدون إيـاب
فمان الله ؛ والا اقول : فمان ابليـس واصحابـه

تحسبيني على فرقاك ابنـدم واغـرق الاهـداب
انا مبسوط يوم اني ؛ طـردت الشـوم وغرابـه

انا ما اعاشر الخاين.. ولا اسمع هرجة الكـذاب
ومثلك قيمتـه عنـدي تحـت الزيـرو حسابـه

رفعتي خشمك الواطي ..وغرك زينـك الخـلاب
ترى والله ماحـرك.. جمالـك نظـرة اعجابـه

تغطرستي على الفاضي .. وانتي من علق وتراب
ومصير ابن ادم المسكين..يدمـدَم فوقـه ترابـه

وهذاك اللي تحبينه ؛ حقيـر و خكـري ولعـاب
عاجبك ان قذلته شقراء ..ويميّل بالشعـر كابـه

صحيح انه حقير و زين . وشكله للنساء جـذاب
تشّبـه بأختـه فلانـه ؛؛ ومنهـا الـدم متشابـه

وانا مانيب حرف الجر ؛؛ تجرينه على الاعراب
انا حرف(ن) جزم نفسه ؛ ومثلي يصعب اعرابه

تشوم النفس عن زينك عقب ماطاح فيهـا ذبـاب
وانا حر(ن) ولد حر ؛؛ تركـت الزيـن لذبابـه

انا يابنت من ربع(ن) لهم فوق الفخـر محـراب
انا من روق ياخبلـه ..وربعـي الهيـلا اعتابـه

نسينا ما كلى عمهوج و كم روس بـدون إرقـاب
رزقك الله بحكم اللي حفظ عمهوج فـي نصابـه

انا شيخ(ن) ولد شيخ ؛ بذكـره تنعـم الانسـاب
وقليل الاصل يافلانه !! يراجـع دفتـر انسابـه

ولد شيخ(ن) وسط ربعه له بين الرجال حسـاب
اليا ضاقت به الدنيـا ؛؛ يهـز الارض مشعابـه

محنكني على الطيبه من يومـي صغيـر وشـاب
اجل : وش رايك بطفل(ن) دلال القهـوه العابـه

انا ليا جتني الزله ؛ من الجاهـل وهـو كـذاب
تركت القافلـه تمشـي ؛؛ وراهـا تنبـح كلابـه

وانا ليامن كشفت ان الخوي اصبـح لسانـه داب
نزعت السم من عرقه.. وكسرت بمخلبـي نابـه

ترى بدري على مثلك تعيـب وساسهـا معيـاب
ياليت اللـي يعيبنـي ؛؛ يحـاول يستـر اثيابـه

خلاص اليوم يافلانه ؛ كرهتك والقلوب اغـراب
وترى كل طير(ن) بكبد السماء يشبـع بمخلابـه

خساره !!! مثلك بقلبـي يتـوج سيـد الاحبـاب
وخساره غلطة العاشـق ؛ يحطـك اول احبابـه

بعد هذا تبين ارجع لاجل عينك نصير اصحـاب
خسيتي واقلبي وجهـك !! ولا كلمـه ؛ ولاجابـه


الشاعر :: محمد العضياني
ودمتم بود

[乂صـواعب乂]

الله يعينه

صح لسان من قالها

وتسلم ايد ناقلها

يعطيك العافيه اخوي فرسان ونتريا الزوود من صوبك

لاعدمناك

[ناصر بن سعدي]

الله يحفظ من نقلها ..


وصح لسان شاعرها ,,


قصيده رائعه ..

ودام الجميــع بخيــــر ,,

[بوح الخاطر]

قوووووويه ...

صح لساان قايلها .. ولا يهون ناقلها ..وتسلم ...:)

[راع المحاني]

العضو الكريم: الروسان الفرسان، يا هلا ومسهلا

لدي ملاحظه على القصيده أعلاه والتي تم تداولها في منتديات كثير مع التحريف والتغيير، هذه القصيده حسب علمي هي للشاعر محمد العضياني، وهنا القصيده كامله :



خسيـتـي لعنـبـو جــدك ؛ خسـيـتـي والـغـلـط يـنـعـاب
........................ خسيتي واقلبي وجهك ؛ ولا كلمه ؛ولاجابـه

خسيـتـي والـزمــي حـــدك ؛ تـراهــا ضـاعــت الاداب
........................ انا لاطاشت جنوني ؛ يعرف الجاهـل ادابـه

وش المـغـزا مــن الكلـمـه بــلا داعــي بــلا الاسـبـاب
........................ وهرج الكذب والتجريح ؛ قوليلي وش اسبابه

انـا الشـرهـه عـلـي انــي فتـحـت لخافـقـي كــم بــاب
........................ ولكن مثل ماجيتي !!! ترا كبر الجمـل بابـه


خـذي نفسـك مـعـك بــرا ؛ ثــم انقلـعـي بــدون إيــاب
........................ فمان الله ؛ والا اقول :: فمان ابليس واصحابه

تحسبيـنـي عـلـى فـرقـاك ابـنــدم واغـــرق الاهـــداب
........................ انا مبسوط يوم اني ؛؛ طردت الشوم وغرابه

انــا مــا اعـاشـر الخـايـن ولا اسـمـع هـرجـة الـكـذاب
........................ومثلك قيمته عنـدي تحـت الزيـرو حسابـه

هــذاك الـلـي تحبيـنـه ؛ حـقـيـر و خـكــري ولـعــاب
........................ عاجبك ان قذلته شقراء ويميّل بالشعـر كابـه

صحـيـح انــه حقـيـر و زيــن وشكـلـه للنـسـاء جــذاب
........................ تشّبه بأخته فلانـه ؛؛ ومنهـا الـدم متشابـه

وانـا مانيـب حــرف الـجـر ؛؛ تجريـنـه عـلـى الاعــراب
.......................انا حرف(ن) جزم نفسه ؛ ومثلي يصعب اعرابه

تشـوم النفـس عــن زيـنـك عـقـب مـاطـاح فيـهـا ذبــاب
........................ وانا حر(ن) ولد حر ؛؛ تركت الزين وذبابـه

انـا يابنـت مــن ربــع(ن) لـهـم فــوق الفـخـر مـحـراب
........................ انا من روق ياخبله ؛ وربعي الهيله ( عتابه )

نسـيـا ماكـلـى (عمـهـوج) وكــم روس بـــدون ارقـــاب
........................رزقك الله بحكم اللي حفظ عمهوج في جرابـه

انــا شـيـخ(ن) ولــد شـيـخ ؛ بـذكـره تنـعـم الانـســاب
........................ اليا قام العرب كلاً ؛؛ يراجع دفتـر انسابـه

ولـد شيـخ(ن) وسـط ربـعـه لــه بـيـن الـرجـال حـسـاب
........................ اليا ضاقت به الارياء ؛ يهز الارض مشعابـه

محنكـنـي عـلـى الطيـبـه مــن يـومـي صغـيـر وشــاب
........................ اجل وش رايك بطفل(ن) دلال القهوه العابـه

تــرى بــدري عـلـى مثـلـك تعـيـب وساسـهـا مـعـيـاب
........................ ياليت اللي يعيبني ؛؛ يحـاول يستـر ثيابـه


انــا لاجتـنـي الـزلـه ؛ مــن الجـاهـل وهـــو كـــذاب
........................ تركت القافله تمشي ؛؛ وراهـا تنبـح كلابـه

وانــا ليـامـن كـشـف ان الـخـوي اصـبــح لـسـانه داب
........................ نزعت السم من عرقه وكسرت بمخلبي نابـه


خــلاص الـيـوم يافـلانـه ؛ كرهـتـك والقـلـوب غـــراب
........................وترى كل طير(ن) بكبد السماء يشبع مخلابـه


خـسـاره مثـلـك بقـلـبـي تـضـمـه غـرفــة الاحـبــاب
........................ وخساره غلطة العاشق ؛ يحطك اول احبابـه


بعـد هـذا تبيـن ارجــع لاجــل عيـنـك نصـيـر اصـحـاب
........................ خسيتي واقلبي وجهك ؛ ولا كلمه ؛ ولاجابـه



شكرا لك وتقبل جزيل التحايا

راع المحاني

[العتيبية]

وااااااااااااااااااااااااااااااااااااااااااااااااا ااااااااااو الاه الااااااه عزت نفس والله قصيدة ولا اروع ولا اجمل صح السان من قالها وتسسلم يدك اخوي الروسان فرسان يسلموووووووووو







بنت العتيبي

[عادل العصيمي]

قصيدة جزلة صح لسان العضياني

الشكر لمن نقلها ولمن صححها