المسابقه الشعريه (الاولى من نوعها)

[نسمة غلا]

[align=center]اتمنى اني اكون صح هالمرة

واتوقع والعلم اكيد ان الابيات جد موزعة بين هالعلمين

ولايمكن يابن مسلم تقدر تغالطنا

الا اذا احد عنده اجابه ثانيه فحلال عليه الوسام


وهالابيات والله العالم انها لجزل القصيد الشاعر عبدالله بو بدر
اعطيك فرصه واشرقهـا واغربهـا
من شان اسامح ليا جات اعتذاراتك
علاقتك كم لهـا تخسـر تجاربهـا
كم لي وانا اقول جوزي عن تفاهاتك
اجمع حسابات غلطاتك واضربهـا
وشوفها ماتساوي ربـع حسناتـك
الى متى معك ماتصفـي مشاربهـا
والى متى شايلٍ همـك وشرهاتـك
منتـي بمتدربـه واقـول ادربهـا
ولانتي سفيهه وامشي لك حركاتـك
اقدر اجازيك في لحظه واكهربهـا
وانهي علاقتك وابعد عن متاهاتـك
لكنَ نفسي بدرب الطيـب كاربهـا
مارضى عليك المهونه عند شماتـك



والابيات هذي العلم الاكيد انها لفارس المفرده الاخ الفاضل ناصر الحربي

البارحه قلت الـك مانـي مخربهـا
واليوم اشوفك تماديتـي بغلطاتك
وبعض الطرايق ماودي فيك اجربها
اخاف اضيعك وتضيـع ابتساماتـك
الكلمه اللي على وجهيـن ابعربهـا
من شان ما اضلم حسناتك وسياتـك
يابنت نفسي اتحاربنـي واحاربهـا
يعني على شف مشهاتي ومشهاتـك
والقاف عندي بيوت الشعر يطربها
ماني بحاجة مافاتيحـك وخزناتـك
ياهاجسي خذ ابيوت الشعر واسربها
وانا اعرفك ماتعـود دون هقواتـك

ارجو اني اصبت وترى مو عيب اللي يغلط ويصحح غلطه

والا لا يابن مسلم هذا انشاء الله انها صح[/align]

[عبدالله المرشدي]

[align=center]اختي نسمة غلا

مايجوز التعديل الاجابه الاولى فقط تعتمد

تحيتي وتقديري ونشكرك على تفاعلك[/align]

[ابن مسلم]

[align=center]انتهت المسابقه[/align]

[align=center]الى هنا اعتقد وضحت النتيجه


الاول /كنز المشاعر بكل استحقاق

الثاني /بدويه وافتخر

الثالث/ نسمة غلا

الف الف الف الف مبروووووووووووووووووووووك

وننتظر المدير يتوجهم باوسمتهم

ونشكر كل من مر من هنا وشارك

كما نشكر شاعرينا الكبيرين

جزل القصيد /الشاعر عبدالله المرشدي

وفارس المفرده /الشاعر ناصر الحربي

على هذه القصيده الجزله ونقولهم الف الف صحة السنتكم[/align]

[حنين الماضي]

علاقتك كم لهـا تخسـر تجاربهـا
كم لي وانا اقول جوزي عن تفاهاتك
الى متى معك ماتصفـي مشاربهـا
والى متى شايلٍ همـك وشرهاتك
لكنَ نفسي بدرب الطيـب كاربهـا
مارضى عليك المهونه عند شماتـك
وبعض الطرايق ماودي فيك اجربها
اخاف اضيعك وتضيـع ابتساماتـك
يابنت نفسي اتحاربنـي واحاربهـا
يعني على شف مشهاتي ومشهاتـك
والقاف عندي بيوت الشعر يطربها
ماني بحاجة مافاتيحـك وخزناتـك

هذي أبيات لعبدالله المرشدي
وبقية الابيات لناصر

ولكن أعتقد أني تأخرت ولا شفت النتيجه الا بعد نزول الرد

تقبلوا فائق التحايا

[ذيب الينوفي]

حنين طارت الطيور بارزاقها المسابقه انتهت والاوسمه وزعت هاردلك

[حنين الماضي]

مبروك للفائزين

الف الف مبروك

[مشاعر حالمه]

:(

<== وجه منحوس

والله أول ماقريت الأبيات عرفت انها للمرشدي والحربي لأنهم اخويا

وشعرهم جزززززززل ماشاء الله عليهم وايضاً واضحه مفرداتهم

صحت السنتهم ومبارك عليكم الفوز يالفايزين :)

وبصراحه هالمسابقة رووعه وفعلاً اولى من نوعها ..

:) بالتوفيق ان شاء الله

وفي انتظار مسابقات مشابهه ..

تحيتي لكم / مشاعر حالمه

[عبدالله المرشدي]

[align=center]صحة ابدانكم

حنين مشاعر

وخرها بغيرها

تحيتي[/align]

[الطامه]

[align=center]الف مبروك للفائزين

وصحة السنة الشعار

وسلمت ولاهنت يابن مسلم

ولايهون راعي المسابقه

ناصر بن سعدي[/align]

[ذيب الينوفي]

ابن سعدي وابن مسلم وشعارنا ناصر وعبدالله وكل من اسهم في نجاح المسابقه تقبلو شكري وامتناني لما قدمتموه