ملبوس غيرك لو لبسته يعيبك

[بعيد النظر]

ملبوس غيرك لو لبسته يعيبك
وهرج بلا معنا يعود سماجه
ان كان حملك ما تشيله مناكبك
اطلب جزيل المد وادعه وناجه
لا ترتجي من واحد ما يوجبك
لو كان من دنياك مستك حاجه
ترا كثير الناس لو كان يعجبك
سحاب صيف مقتفيته عجاجه
ان شاف عندك شي حبك وقربك
وان قل ما بيدك كثير احتجاجه
ان جدت له وده من الخير ينهبك
واليا نصيته صد واخلا مداجه
اليا بدالك لازم فيه جنبك
وقدم عذاره لين يلقا خراجه
خل الردي من رفقته ويش مكسبك
خله بحاله لا تعكر مزاجه
وقت السعه لا غبت مره يعاتبك
والا بوقت اللازمه ما يواجه
انصى الرفيق اللي ليا ضاق حاجبك
لا جيت يمه قام يضحك حجاجه
يفرح من افراحك ويجزع لصايبك
وعلاج ضيمك لا تصعب اعلاجه

الشاعر غازي بن مهنا الشيباني

[سندريلا عتيبه]

الله الله ابيات رائعه جدا تسلم يابعيد النظر

[المحقنيه]

ملبوس غيرك لو لبسته يعيبك
وهرج بلا معنا يعود سماجه


صح لسانك ابيات حلوه............

[محمد العتيبي]

بعيد النظر

صح لسانك ولسان الشاعرغازي مهنا الشيباني

ولاهنت على النقل الرائع

تحياتي

[عبدالله فيحان السميري]

[align=center]بعيد النظر

صح لسانك ولسان الشاعرغازي مهنا الشيباني

ولاهنت على النقل الرائع

تحياتي[/align]

[المكافح]

بارك الله فيك

[مستر عتيبي]

[align=center][glow=000000]صح لسانك أخوي بعيد النظر
ولسان الشاعرغازي مهنا الشيباني
و الله يعطيك العافيه[/glow][/align]

[بعيد النظر]

بيض الله وجهكم جميع ولاهنتو علي مروركم والف الف شكر للجميع

[النـايــــــف]

صح لسانك اخوي بعيد النظر

وصح لسان الشاعر غازي بن مهنا الشيباني


وبيض الله وجهك يا الغالي


على هذا الاختيار الرائع


تحياتي لك ،،،،