يامل قلب يسج وفيه دولاجــه

[عتيبيه]

[align=center]هذي الله يسلمكم قصيده

للشاعر... عبد الله بن عون

قريتها في حدى هالمنتديات وحبت انقلها لكم



يامل قلب يسج وفيه دولاجــــــــــــه

من هاجس بالضمايرقام يدرجـــــــها
في معزل عن جميع الخلق وازعاجه

ما اسمع من الناس لوتكثر لجـالجها
ماغير اهوجس تقول مضيع حـــــاجه

آخذ واسند على روحي واهرجــــها
وادوج لوكان مارجلي بدواجــــــــــــه

ادلّه النفس لين الله يفرجـــــــــــــها
يالله يالي بيدك الضيق وافراجــــــــه

ياخالق الخلق ياقاضي حوايجـــــــها
تفرج لعين الذي أغفت بســــوهاجه

تجهز عليها الطواري لين تزعجــــــها
بالصدر ضيقه ونوم العين هـــــملاجه

عيني من العام والسهر متولـــــجها
نوب سهرها شديد ونب نهاجـــــــــه

ومر تكن الدموع ومر تزعجـــــــــــــها
عليك ياللي بقلبي كن وهاجـــــــــه

وهاج نار هوى الغربي يسارجـــــــها
أبو ثمان تشاد اللولو لعاجـــــــــــــــه

كن البرد يوم يضحك في مفالـــــجها
ياروح روحي وجرح القلب واعلاجـــه

الطف بحال عليك الهم ساهجــــــها
قلبي يناجيك بسلوب الهوى .. ناجه

يشكي لك الحال داخلها وخارجـــها
اما التفت لي وتم الوصل بمواجـــــه

والا بلا عشرة هذي نتايجـــــــــــــها
وش ينفعك من حنين القلب وخلاجه

وجروحي اسبابها انت ولا تعالجـــها




[/align]

[سلطان القثامي]

صح لسان شاعرها

ويعطيك العافيه عتيبيه

[مستر عتيبي]

صح لسانكي و صح لسان الشاعر عبدالله بن عون
مع تحياتي

[محمد العتيبي]

عتيبيه صح لسانك ولسان الشاعر عبدالله بن عون ويعطيك العافيه على النقل الرائع

تحياتي

[مسافـــر]

صح السانك
مشكوره على النقل

[غصون]

يعطيج العافيه والله المستعااااان

[عتيبيه]

سلطان القثامي

مستر عتيبي

محمد العتيبي

مسافر

وديان الروقي



لاهنتو على مروركم الكريم :)