يابوي........

[سلطان القثامي]

يابوي أشوف الشيب في عارضك لاح**والشيب نور ٍفـي الوجيـه المفاليـح

والشيب في وجهك كما نور مصبـاح**من نور وجهك شع نـور المصابيـح

لكن حزني يوم شفـت العمـر راح**يابوي اشوف الوقت يجري كما الريح

ليت الشباب يعود من عقب مـرواح**وتاخذ على عمر الثلاثيـن تصريـح

ليت الشباب يبـاع ونزيـد الاربـاح**ويرجع شبابك والسنيـن المواضيـح

والا الردي حتيش لو جـا ولـو راح**شبابه وشيبـه سـوى يـا المفاليـح

يابوي ذكـرك بالمشاريـف وضـاح**غنـي عنـي مايبـي زود توضيـح

قرم ٍالـى جـات المواجيـب نطـاح**وفي سفرته تلقـى كبـار المفاطيـح

شيخ ٍ يحـط البـن والهيـل لا فـاح**يقعد خوى روس الرجال الطحاطيـح

راعي الهموم الى نصا ابوي يرتاح**ويلقى الفرج والعز مع هبـة الريـح

شيخ ٍ على الزلات صابـر وسمـاح**رجل ٍمن رجـال ٍقـروم ٍ زحازيـح

ابوي مايستاهل الشيـب يـا صـاح**تفـداه روحـي والوجيـه المكاليـح

كم شيخ قوم ٍمنك يالشيب قـد طـاح**الى من غشيته يا ابيض اللون على

تلحق على لاعمار مسرى ومسـراح**الى غاب منا الموت ماغبت يالشيـح

ياالله غفرانـك عليـك الخفـا بـاح**ماعلى غيرك نشكـي السـد ونبيـح

ياالله حسن الخاتمـه خيـر الاربـاح**وارضاك والجنـة مـراد المصاليـح

[عتيبي والفخر]

صح السانك

[سلطان القثامي]

صح بدنك يا عتيبي

[محقني الخبر]

يابوي ذكـرك بالمشاريـف وضـاح**غنـي عنـي مايبـي زود توضيـح

قرم ٍالـى جـات المواجيـب نطـاح**وفي سفرته تلقـى كبـار المفاطيـح


جمل بيوت شعر ولا اروع

احب دائما اقرا مواضيعك الرائعه
معليش انا اكسر في اللغه العربيه


تعرف ثقافتي شركسيه

[إبن ثعلي]

صح السانك ياسلطان قصيدة رائعه جدا
تحياتي

[MR_MAJED]

[align=center]صح لسانك طال عمرك[/align]

[محمد العتيبي]

صح لسانك ياسلطان القثامي وياليت قلت لنا من صاحب القصيده
تحياتي

[إشراقات]

.





[align=center]أطال الله لك بعمــره .. وسلمـت يمينــك ..[/align]



.

[سلطان القثامي]

ههههههههه يا عيني يالشركسي.....تسلم يا محقني الخبر

[سلطان القثامي]

رائعه بمرورك اخوي بن ثعلي......