ترشـيح أجـمـل قـصيـدة لكل أسـبـوع

[ރسلايـل المجـدރ]

[align=center]
من لاينال الطيـب فـىاول شبابـه
ماظن يظفر به ليا عارضـه شـاب

ومن لايميز فـي خطـاه وصوابـه
لوصاب مره عشر مرات ماصـاب

ومن لاعلى جسمـه يفصـل ثيابـه
والله ليوضع فوق ضرس وتحت ناب

ومن لايعرف القيـظ يتبـع سرابـه
ويصبر على لفح السمايم والاتعـاب

ومن طق بيبان العـرب طـق بابـه
ولاضاع حق ومن ورى الحق طلاب

والسيف قـوة سلتـه مـن نصابـه
ولاخير في سيفٍ يجرب في الاقراب

ياللـي تبـي قـدرٍ رفيـع ومهابـه
ابعد عن الشباك وادخل مـع البـاب

وحاذور من جحر الخبـاره ودابـه
ترى الوقايه خير من كـل الاطبـاب

ولاتعتـرض لـك عيـةٍ تبتـلابـه
دامك معافـى لاتعـرض للاسبـاب

ولاتـارد الا اللـي عـذيٍ شرابـه
عد الوبا مايشربه كـود مـن خـاب

والجار لو عـن داره ابطـا غيابـه
خلك وصيـه لاتخونـه اليـا غـاب

والضيف رحب بـه وكـرم جنابـه
وقدم له الميسور من كـل ماطـاب

وتبشر بقول ونعم فـي كـل جابـه
ويزداد قدرك بين ربعك والاجنـاب






شعر / الشاعر الكبير ضاوي العصيمي

هذا ترشيحي [/align]

[إبن ثعلي]

مشكور اخوي عبد الرحمن
وانا معجبتني هذه القصيده وارشحها وهي على هذا الرابط
http://www.otaiby.com/vb/showthread.php?t=1770

[محمد العتيبي]

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا راعي الغر العذاب المباهيش=رش الكبود اليابسةعن عطشها

دنق علي وطمن الراس بشويش=واحي العروق الذابلة وانتعشها

حبك ينهش ثومة القلب تنهيش=نهش الحنيش لعرش رجل(ن)نهشها

واهل الهوى في سجن غيك دراويش=وقلوبهم وجلانة(ن)من دهشها

من ذاق من خمرالسوالف بخاشيش=يبطي وروحه معتلقها بلشها

ياعنق ريم(ن)ذار واوحى شوابيش=بدو(ن)طلوع الشمس ذاره وغشها

والعنق عنق الي جسر عقب توحيش=امير بيت للحرار وحشها

جابوه من عين الشمال الهماميش=ابرك لهادي طرشة(ن)قد طرشها

جابوه لمثمن طويل المطاريش=شيخ(ن)قوانين العرب مادغشها

محمد عشير منقضات العكاريش=نجل العيون الي جميل بهشها

لا يابعد ناس(ن)تكبر على ويش=لاشافت الناصي تلوت خششها

لويملكون ارقام الاموال حتيش=در الحمارة دوب يكفي جحشها

وروس الظبا ماذكر فيها عراميش=لوهي على الزيلة اكبار(ن)اشوشها[/poem]

[align=center]الشاعر/ عبدالله بن نايف بن عون
الناقل/ عبدالرحمن النفيعي[/align]

وهي على هذا الرابط
http://www.otaiby.com/vb/showthread.php?t=15323

[مخاوي النشامى]

أخوي عبدالرحمن .......


سلمت يمناك على الموضوع الأكثر من رائع


لي عودة لاحقا......

[برقاوي هواوي]

الاخوة الغالين


راعي سبلا ,, إبن ثعلي ,, محمد العتيبي ,, مخاوي النشامى




بيض الله وجيهكم على المشاركة والتفاعل الرااااااائع مع الفكرة



وبانتظار باقي الاعضاء

[الفطين]

يالله يافـارج همـوم ٍ ليـا جـن
ياواحد ٍ فـوق السمـاوات عالـي
يارافـع سبـع وسبـع بسطهـن
ومرسى الجبال الشامخات العوالـي
يامحصي ٍ خلقه من الانس والجـن
وأخرجت يوسف من جبا جو خالي
واصبح بريّ ٍ من خطايـا يكـادن
الأولـه واللاحـقـات التـوالـي
افرج لمن كنّه على اللـي يقالـن
جمر الغضـا لازاد فيـه اشتعالـي
وادموع عيني فوق حجري يصبّـن
تشدي غروب تحت هجف المحالـي
دايم علـى خـدّه وعينـه يكفّـن
مثل المطر من مستهـل الخيالـي
وليا سألـت إعيوننـا وشبلاهـن
جات الاجابه قبـل فتـح السوالـي
امس الضحى في دار واليوم مع من
إمع اليهـود محرّميـن الحلالـي
في دار هتلر مانعـرف المـؤذ ّن
دار ٍ عساهـا بالمحـى والزوالـي
ياعيد ماصبركم على ديـرة الجـن
لاإخوان لاعمّـان لا مـن خوالـي
عزّي لكم ياعيـد مثـل المسجّـن
وأنا بعـد ياعيـد عـزّي لحالـي
عقب الجماعه جالس ٍ في بلد مـن
لاحـد مسفّرنـي ولانيـب جالـي
ياعيد لو تعـرف فـروخ ٍ يلجّـن
فـي دارنـا مايدركـن النـوالـي
قصار ريـش ومالـك الله يطيـرن
حب تحـت ربّ ٍ عزيـز الجلالـي
ويانجر يامشكاي عينـك عليهـن
وخلّك عليهن مثل وصف الظلالـي
وياسعود ظنّي فيك لاتخلف الظـن
إتروف بخوانـك سـواة العيالـي
حـاذور لامـرّوك ناديـت ياهـن
وتميل مع بقعى على كـل جالـي
وأوصّيك ياهندي وصيّـة عليهـن
أنت الولي والله علـى كـل والـي
أرفق عليهن ليـن حتـى يضفّـن
وآمر عليهـن بالرضـا والعدالـي
وإفطن لهن ياذيـب ليـن يتعشّـن
ولايمرحن الليـل والبطـن خالـي
حتى يجي يـوم بحملـك يقومـن
أنت اللذي تربح وانـا راس مالـي
واسلم وسّلم لي على من نشد عن
وقلّه تراي بـدار ساكـن لحالـي
ماعنـدي الاّ قـوم جـنّ ٍ تراطـن
لاحد ً يسـال ولايجيـب السؤالـي
وعيونهن زرق ولاأدري وشنهـن
يحرم عليهن سترهـن والجمالـي
وجدي على شوف الهضاب يتزامن
دار ٍ سكنّاهـا قـديـم ٍ وتـالـي
إديارنا في نجـد محـروم ينسـن
أمّ ٍ غلاها مـن وراء كـل غالـي
وزواجها من جدّنـا سنهـا سـن
على الشريعه واشقر الـدم سالـي
يوم إنحدر بجموعه اللـي تبـارن
من حد بيشـه للمدينـه شمالـي
وعزّ م ولزّ م للمعـارك يخوضـن
ماهمّـه اللـي قاعـد ٍ بالتوالـي
حتى سكن في نجد غصب ٍ بلامـن
وإحتل دار مكـرّ ميـن السبالـي
من بعد خيل وجيش للشيخ يهـدن
خلّـوه عـن داره يشـد الرحالـي
ربعي ترى عتبـان ياقايـل ٍ مـن
اللـي تكـرّ م ضيفهـا بالخيالـي
ذبح المربّـي عندهـم دايـم ٍ فـن
هـذا بعـد تقديـم كيـف الدلالـي
لاجيـت مجلسهـم لـزوم ٍ يلقّـن
ماحسّبـوا فـي دقهـا والجلالـي
وياعيد ماأرسلنا التذاكـر يحجـزن
ماغيـر أعـد أيامهـا والليـالـي
متى نوادعكم إليـا جـن يمشـن
ومتـى تحلـق بالسمـا ياطلالـي
حتى نجي بديار من يحـرق البـن
سواة ابو يونس صديقـا ً صفالـي
ابو محمـد يـوم عنـدك تلافـن
وجيه النشامى الطيبيـن الغوالـي
بلّغ سلاما ً مرسلينـه بـلا مـن
بأفضل تحياتـي لهـاك الرجالـي

هذي قصيدة لخالي / عايض بن سعود العصيمي رحمة الله ...
يوصي فيها عيالة الكبار عندما كان يتعالج في ألمنيا ...
ونقلتها الأخت عتيبية وأفتخر بعنوان ربعي عتبان يا قايلاً من ...

[مخاوي النشامى]

هــــــــذا ترشيحي:


http://www.otaiby.com/vb/showthread.php?t=16064


لشاعرها / رشيد الزلامي


ناقلها/ عبد الرحمن النفيعي

[برقاوي هواوي]

الاخوة الغالين


الفــطيــن ,, مخاوي النشامى




بيض الله وجيهكم على المشاركة والتفاعل الرااااااائع مع الفكرة



ونظرا لتقارب الترشيحات سوف يمدد الترشيح الى يوم الجمعه القادمة 28/9 ان شاء الله

انتظر باقي الاعضاء

[ناصر بن سعدي]

السلام عليكم...


الغالي..

عبدالرحمن النفيعي..

بيض الله وجهك...


وفكره رائعه...


ولي عوده....

[برقاوي هواوي]

المشاركة الأصلية كتبت بواسطة ناصر بن سعدي السلام عليكم... الغالي.. عبدالرحمن النفيعي.. بيض الله وجهك... وفكره رائعه... ولي عوده....

[frame="10 80"]وعليكم السلام


ووجهك أبيض أخوي ناصر


وبإنتظار عودتك


تقبل تقديري[/frame]