عنوانكم ماهـوب ياهـو و"هتميـل

[العريدي]

فيروس هجرك عطل القلب تعطيـل""ودمر ملفات الفـرح فـي حياتـي

ياللي سكنت القلب من دون تحميـل""متـى لموقعنـا تشـرف وتـاتـي

عنوانكم ماهـوب ياهـو و"هتميـل""عنوانكـم روحـي وقلبـي وذاتـي

كم مرةٍ أرسلـت لـك عبر"الإيميـل""وأدورك فـي "منتـداي وشـاتـي

وأرسلت لك يازين فيـلٍ ورى فيـل""فيها الغلا والحـب يأغـلا أمنياتـي

وأرسلت لك قصة عذابي مع الريـل""ياللي غيابك هـو سبايـب شقاتـي

دايم عليك أبحـث بياهـو و قوقيـل"" وأنـت ولا تسـال علينـا بتـاتـي

خابرك بنتم فـور أصلـي و أنتيـل"" لكن خسـارة غيـروك الوشاتـي

وكان الهكر غروك بالقـال والقيـل"" بأدعي عليهم في سجودي وصلاتي

ياجعلهـم بقعـاء وطيـرٍ أبابـيـل""ترمي عليهم بأمـر ربـي حصاتـي

يرضيك من حبك غدى منهك الحيـل""ريقي غدى ناشف ويبسـت شفاتـي

أقضي الليالي دمع عينـي هماليـل""لامـن طريتيلـي تـبـدد مبـاتـي

صحـراي جفـت مالفانـا مخاييـل""وأنت المزون اللـي تـروّي نباتـي

وياشين حالي لا قريـت المراسيـل""في الأوت لك أذكر قصص ماضياتي

منك حزين الحرف شـاف البهاذيـل""وقلبك مثل قرصٍ صلب في القساتي

موقعك في وجهـي مقفـل بتقفيـل""حتى"البركسي" مانفـع وش سواتـي

بمفضلـة قلبـي عطينـاك تفضيـل""أنـت المفضـل عندنـا ياغنـاتـي

ويازين هجرك عطل القلب تعطيـل""ومن غير شوفك وش تساوي حياتي

كني بدونك قرص فـارغ ولا فيـل""فاسـد ومرمـي بسلـة المهملاتـي

ماعدت أفرق بين اكسس و أكسيـل""وماعدت أفرق بيـن بلتـك وشاتـي

وباشكي على "الكيبورد كثر الغرابيل""وأكتب على الوورد المطور وصاتي

وهذي النهاية حطها وسـط تظليـل""لا مـت فغيابـك سبايـب مماتـي

وســــــــــــــــــلامــتــكـــــــــــــــــم

[إبن ثعلي]

ياللي سكنت القلب من دون تحميـل""متـى لموقعنـا تشـرف وتـاتـي

عنوانكم ماهـوب ياهـو و"هتميـل""عنوانكـم روحـي وقلبـي وذاتـي
ياسلام عليك يالعريدي منتهى الابداع
تحياتي

[مرودع الوشام]

يا سلام عليك يالعريدي الله يعطيك العافيه يا اخوي والله قصيديه ولا اروع وقصيده فعلا فيها من الفكاهه وفيها من المعانات والله يالعريدي اول مره اقراء قصيده في مثل جمال هذه القصيده ....

تسلم يمينك علا نقلها وتسلم يالغالي........


اخـــــــــــــــوك



مرودع

[النـايــــــف]

يا سلام عليك يالعريدي


صح لسانك يا الذيب


وبيض الله وجهك



تحياتي لك ،،،،،


اخوك النـايـــــــــــــف

[طالع]

ياوجه الله هذا الادمان ولا بلاش


تسلم يالعريدي والله انها حلوه وانت مايجي منك الا كل شي طيب

[العريدي]

[align=center]ابن ثعلي شكرا على مرورك الطيب / العريدي[/align]

[العريدي]

[align=center]مرودع الوشام شكرا على مرورك / العريدي[/align]

[العريدي]

[align=center]اخي النايف شكرا يالغالي على مرورك / العريدي[/align]

[العريدي]

اخي عيد الجماعة شكرا على مرورك الطيب يالغالي / العريدي