وصفن امن توضع عليه النصايب

[نازح البعد]

[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="ridge,4,gray" type=0 line=0 align=center use=ex num="0,black"]
قال الغريب من المثايل غرايب
يعنا بها منهو على العرف منصوب
وصفن لمن توضع عليه النصايب
الآدمي وإن صار بالقبر مكبوب
الموت مايعرف شبابن وشايب
ولا يعرف الغالي ومن كان محبوب
ياما دخل من بين كل الحبايب
وخذا الذي وقته على اللوح مكتوب
الآدمي لو يعتزي بالقرايب
والحظ به بين الجماعات مشبوب
لابد من يومن تهب الهبايب
ويظهر له الخافي وما كان بغيوب
ويجيه يومه والعمارة خرايب
والدمع من ربعه على الخد مسكوب
مار الذي وإن جاه يومن نوايب
أركى لها عزمن وللدين محسوب
يفوز يوم الناس تلقى اللهايب
يارد على الكوثر ويفرح بمشروب
يفرح ليا قلت عليه الطلايب
وجسمه غدى من رحمة الله مربوب
ينعم بحورن كل ابوهن لعايب
بهن الجمال اليوسفي زين مصبوب
ومن صار فعله يوم الاعمال عايب
يقضي حياته بين الإفراط ولعوب
علمه غدى من بين الافراد خايب
والدين من ساسه عن القلب مجبوب
يبشر بدارن كل ابوها خرايب
والنار يمه على الوجه مكبوب
ويقول ليتي صرت ضمن الترايب
ماصرت انا من ضمن ذا القوم محسوب
وصلوا على اللي طول الايام صايب
شفيعنا عن لفحة النار والشوب[/poem]

[طيب الفال]

صح لسانك ولسان شاعر القصيدة

أختيار جزل ياراع الجزلات

سلمت وسلم غاليك


دمت بخير يا نازح البعد

[اخو من طاع الله]

صح لسانك ولسان شاعرها

مشكور على نقلك للقصيده الرائعه

[نازح البعد]

طيب الفال
عبدالله الحافى
مشكورين على المرور
ودمتم بخير

[سود العيون]

صح لسانك ولسان شاعر القصيدة

[نازح البعد]

مشكور اخوى سود العيون على المرور
تحياتى

[محمد العتيبي]

نازح البعد

يعطيك العافيه على حسن الاختيار

تحياتي

[نازح البعد]

مشكور اخوى افتخر انى عتيبى
على المرور

[إبن ثعلي]

صح السانك يانازح البعد
تحياتي

[نازح البعد]

صح بدنك اخوى بن ثعلى
ومشكور على المرور