تركي اليا عد العـدد فالصناديـد سلايـل اللـي يحتمـون المتلـي

برقاوي هواوي · 07-30-2006, 04:23 AM

[frame="7 80"]يجذبني الطيب ولـو انـه بعيـد
ماكنـه إلا منـي وخامسـاً لـي

تركي اليا عد العـدد فالصناديـد
سلايـل اللـي يحتمـون المتلـي

رجـال ماتدخـل عليـه المناقيـد
ابن حميـد اللـي بضيفـه يهلـي

شيخاً عليه أوصاف عنتر أبوزيـد
ارثيه في الأبيات يوم أقبلـن لـي

موته فجيعه مكـد العلـم تأكيـد
الساطي اللـي فاللقـاء مايذلـي

اللي سوات الحيد وأقوى من الحيد
ينومـس بطيبـه وظلـه يظلـي

اعزي العتبـان مـن دون تحديـد
وأخص ربع الشامـخ المستقلـي

فالعاقل الساطي صدوق المواعيـد
ينقذ لمن يشكي من الوقت غلـي

أنا اشهد اللي يستحـق التماجيـد
يشبـه لسيفـاً فاللـوازم يسلـي

يفزع اليا جاء في الدعاوي تعاقيد
ويحلها من صامل الـراس حلـي

ينهض الياهابت عظـام الرعاديـد
تشهد جميع النـاس دقـاً وجلـي

ياصل وراء الحروه ليافز ويزيـد
ويروح ضيفه خاطـره مسفهلـي

للواجبات يفز مـن دون تصديـد
ماصار به كره وضعافـه وغلـي

اليا تعزوا هجد الخصـم تهجيـد
بـرع اللسـان محنكـاً مايذلـي

الناس تفرح به مثل فرحة العيـد
ياشين جورك ياالزمـان المولـي

أخذت من تشهد له الناس والبيـد
من قال جيتك قال أنا جيت كلـي

مرحوم ياالنادر مـلاذ الأجاويـد
مرحـوم ياللـي للهرج مايزلـي

ياالله يامنـش المـزون التلابيـد
اللي تخلـي كـل قـاع امتملـي

ترسل على قبره من الشوب تبريد
وتحط لـه بجـوار طـه محلـي

آميـن ونكـرر دعانـا تـراديـد
يارب ياقابـل صـلاة المصلـي

يبقا العوض علوش منصا الأواليد
ومنصا كبار السن حظـه معلـي

ياخذ من جهود القطامي تجاهيـد
فالمرجله ماضاع له ربـع ملـي

أقولها مالـي بشعـري مقاصيـد
أكود مدح أهل الوفاء جايزاً لـي

للطيب أشفق ماهو بزيـد وعبيـد
من جد ماقلتـه مـزوح وتسلـي

يجذبني الطيب يالـو أنـه بعيـد
ماكنه إلا في العدد خامسـاً لـي [/frame]

الشاعر/عطاالله باخت الهجله المطيري

محمد العتيبي · 07-30-2006, 05:33 AM

برقاوي هواوي

صح لسانك ولسان الشاعر عطاالله المطيري

تحياتي لك

النـايــــــف · 07-30-2006, 06:16 AM

صح لسانك اخوي برقاوي هواوي

وصح لسان الشاعر عطالله المطيري

وبيض الله وجهك يا الغالي

على هذا الاختيار

تحياتي لك ،،،،

**إبن ثعلي** · 07-30-2006, 03:51 PM

مشكور يابرقاوي على حسن الاختيار وصح السان الشاعر ورحم الله المتوفي
تحياتي

بوشامه · 07-30-2006, 04:35 PM

برقاوي هواوي صح لسانك واختيار موفق وصح لسان الشاعر الهجله 000

اخو من طاع الله · 07-31-2006, 06:31 PM

صح لسانك يا برقاوي هواوي وشاكر لك نقلك للقصيده الرائعه

برقاوي هواوي · 07-31-2006, 08:34 PM

صح بدنك أخوي افتخر اني عتيبي ولاهنت على المرور

برقاوي هواوي · 07-31-2006, 08:35 PM

صح بدنك أخوي النايف ووجهك أبيض

برقاوي هواوي · 07-31-2006, 08:41 PM

العفو أخوي بن ثعلي والله لا يهينك

برقاوي هواوي · 07-31-2006, 08:44 PM

صح بدنك أخوي بو شامه ولاهنت على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
العـيد أحـكام وتنبيهات	طلق الشيباني	المنتدى العام	2	10-22-2006 12:06 PM
الله يلـوم اللـي لحالـي يلـومـي	برقاوي هواوي	منتدى الشعر الشعبي المنقول	24	09-28-2006 10:33 PM
و المزنـه اللـي تشبـه لضحكـة الـبـرق	نوف	منتدى الشعر الشعبي المنقول	14	04-08-2006 12:15 PM
ام العيـون اللـي هدبهـا مراهيـف	نوف	منتدى الشعر الشعبي المنقول	10	04-08-2006 04:10 AM
احد (ن) اليا مات ربعه مادروبه()()()واحد(ن) اليا مات تبكيه النصايب	نايف بن عرويل	منتدى الشعر الشعبي المنقول	14	08-07-2005 10:28 PM