لغزنا رجلٍِ بتوع .محلول صح لسان من حله

[{ أبوفيصل }]

السلام عليكم ورحمة الله وبركاته

المثل باللغز ،،، عن رجلٍِ ،، بتوع
زامي النبنوب ،، في حد الطويل

بنته اللي ،،، عن مشاهَدها منوع
لو يِلد العين ،، فيها ،،، مستحيل

شابَهَت في ميْلها حدب الضلوع
ما يشيل الهم ،، منها ،،، لو تميل

[عهود]

وعليكم السلام

لغز جميل صح لسانك يالعطاوي🌹
لحظة أعدل التاج لايطيح هههههههههه






العين ماتعلى على الحاجب

[{ أبوفيصل }]

ههههه اعتدلي لاتصاغين يطيح

حاولي قبل ابن ثعلي ينشن عليه

[{ أبوفيصل }]

اللغز انتهى والحل في المثل المعروف
الجمل مايشوف عوجة رقبته 🙄

[إبن ثعلي]

والله يابو فيصل من يوم قريت اللغز طرى علي البعير ورقبته قبل ما اشوف الحل والحقيقه لغز محكم
وشكراً لك

[عهود]

جايتن داعسه ماتشوف الا غبرتي هههههههههه اثر اللغز انحل
لا والحل اللي جايبته غلط

[عهود]

المثل قاال ماكل ماتتمنااه يتحقق
إلا إرادة الله لاأراد تحقق المستحيل
رجلن نال الطموح معروف وموثق
من زمن إلى يومك يخلد في الأمثال



من هو الرجل؟ وماالمثل !!

مررررره سهل

[{ أبوفيصل }]

المشاركة الأصلية كتبت بواسطة عهود جايتن داعسه ماتشوف الا غبرتي هههههههههه اثر اللغز انحل لا والحل اللي جايبته غلط

انتبهي من ساهر
لا يلقطك صوره وتضيعين الدعسه

[{ أبوفيصل }]

المشاركة الأصلية كتبت بواسطة عهود المثل قاال ماكل ماتتمنااه يتحقق إلا إرادة الله لاأراد تحقق المستحيل رجلن نال الطموح معروف وموثق من زمن إلى يومك يخلد في الأمثال من هو الرجل؟ وماالمثل !! مررررره سهل

والله زين .. طيب طيب .. بأرمعه رمعه مايفيق منها
غير عند دكتور الأسنان

مَا كلُّ ما يَتَمَنّى المَرْءُ يُدْرِكُهُ
تجرِي الرّياح بمَا لا تَشتَهي السّفُنُ

لكن شكلك جمعتي الأمثال كلها باللغز

الرمعه الثانيه /
بقدر الكد تكتسب المعالى = ومن طلب العلا سهر الليالى

وعساك تقولين مالك لواا

[{ أبوفيصل }]

المشاركة الأصلية كتبت بواسطة إبن ثعلي والله يابو فيصل من يوم قريت اللغز طرى علي البعير ورقبته قبل ما اشوف الحل والحقيقه لغز محكم وشكراً لك

ياهلا ابوعبدالرحمن .. الصعب مايصعب عليك