؛؛؛( لغز )؛؛؛ محلول من عامر الروقي صح لسانه

[{ أبوفيصل }]

السلام عليكم ورحمة الله وبركاته




رجــــلٍ علــى الـعلْيــــا تــربَّـــع معـــاليـــــه
تـــلقـاه زايـــــد عن خــوانـــــه وشـــــرواه

حـلْيــــاه فـــي جـــــــمٍّ تــــدلّـــى عراقـيــــــه
اللــي سِـوات مقيْــط لاهــف برشـــاه

لــــكن كـمـــا طـــيٍّ علـى طــي طاويـــــه
ولْياضحك يضحك بلاسن وشفاه




.

[عهود]

صح لسانك ولاهنت ولاعدمناك على اللغز الجميل


اجابه سريعه السيف

[عهود]

بعدين خف علينا يالشرهان بعض مفرداتك مو كلنانعرفهالازم ارجع لقوقل يعني ههههههههههههههاااااي

[عامر الروقي]

ابوفيصل

صح لسانك ونظمك للغز
وش رايك
هداج تيما

[إبن ثعلي]

ويش رأي أبو فيصل في فرخ الصقر النادر

[{ أبوفيصل }]

حياك الله ياعهود الشكر لكم انتم لمشاركتم

الرمعه مااالك لواا ، و اللغز مايختلف عن لغانا

:)

[{ أبوفيصل }]

مااااالك لواا يابن ثعلي

[{ أبوفيصل }]

الشاعر عامر الروقي

صح بدنك وحياك الله وترى فيه اضافه للغز لعل يتضح بعض الشي

بانتظااار الرمعه الصائبه

[عامر الروقي]

ابوفيصل

لاهنت لاهنت ولا هان منطوقك
وش رايك
العقال

[{ أبوفيصل }]

المشاركة الأصلية كتبت بواسطة عامر الروقي ابوفيصل لاهنت لاهنت ولا هان منطوقك وش رايك العقال

ولاتهون ياعامر الروقي صح لسانك
هو ( عقال القطري ) اللي يسمّا الليبتون على ماأذكر

تحياتي وللجميع أعذب التحايا