مرثيّه جات بظروفها

[{ أبوفيصل }]

مرثيّه جات بظروفها ماعطيت حقها وافي


[poem=font="traditional arabic,7,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مجبور مجبورٍ عزاكم يامازن =يجبرعزاي وكل مسلم وموتاه
وابوك يامازن فقيدة هوازن =راح وتركنا مير ياقل شرواه
راع الفعول اللي على الطيب رازن =يالله تجعل جنة الخلد مثواه
ليلة ربوع اختل فيه التوازن =بأقصى الدِّيَر ، عُوج الدروب المِلَوّاه
واصبح توارد بي هموم ومحازن =خيّم على قلبي بليّا مراواه
رحماك ياجلاّب كل المحاسن =ماخاب طلاّبك ولا خاب رجواه
تجعل لبو مازن قبولٍ يوازن =منزال أبا القاسم وجانبْك مأواه
[/poem]

.

[جااابر]

لاهنت يالعطااوي وصح لسانك
والله يرحم ابو مازن ويجبر قلوبكم ...

[الجوهرة]

الله يرحم أبو مازن ويغفر له .. والله يجبر كسر قلوبكم ..
صح لسانك ..

[{ أبوفيصل }]

بأقصى الجنوب اللي دروبه ملَواه

^^

ولا انت ياجابر صح بدنك اخوي شاكر لك مرورك الكريم

والله يجزاك خير

[{ أبوفيصل }]

الله يجزاك خير الجوهره
صح بدنك

[الأدميرال]

الله يرحم ابو مازن ويسكنه جنات النعيم
صح السانك ياالعطاوي

[وجودك يكفي]

الله يرحمه ويسكنه فسيح جناته

صح لسانك يالعطااوي واحسن الله عزاك والله يلهم اهله وذويه الصبر والسلوان


احترامي

[همس النسيم]

رحمه الله وأسكنه فسيح جناته
وجبر مصابكم فيه
وصح لسانك على هذا البوح الخارج من القلب
لاهنت

[اصايل]

الله يغفرله ويسكنه الجنه وينزل عليكم السكينه ..

صح لسانك

لاهنت ..

[مهـرة مـطير]

"

الله يرحمه ويسكنه فسيح جناته

صح لسانك يالعطااوي

واحسن الله عزاكم والله يلهم اهله وذويه الصبر والسلوان