أكاذيب (الفقيه ) ضد الشعب السعودي !!!!

[طلال بن نشار]

يخرج لنا في وسائل الاعلام هذه الاليام شخص يقال له (الفقيه ) قد تجرد من الصدق وتجرد من الاخلاص لهذا البلد الذي ترعرع فيه ونشأ في أحضانه .فكان جزاء هذا الوطن من هذا الخائن السب والشتم .

وقد أرتمى هذا الخائن في أحضان الاعداء فبدا بمحاولة بث السموم وتشويه الافكار وخلق فجوة بين الشعب المخلص وقادته الحكماء الميامين .

ولكن سيخبوا صوته باذن الله وتبقى كلمة العدل والصدق ولن يلتفت احد لاكاذيبه التي ليس له هدف فيها اللا سيطرة اعداء الاسلام على بلادنا الحبيبة , وكان اخر ماخرج به هي اكذوبة ان الشعب السعودي عبيد مملوكين لا حرية لهم ولا رأي , وقد كذب في ذلك فنحن شعب نعتز باصالتنا وبقادتنا أعزهم الله

[طلال بن نشار]

ياابدجـاج الله يمسيـك بالخيـر = مانته بكفو للسيـوف الحـدادي

صجيتنا يمـال قطـع التدابيـر = يمال فرقا العين وش هالمنـادي

بالله قلـي يافقيـه المخاسـيـر = من يتبعك غير الضعيف الربادي

وحنا سعوديين أصل ومذاخيـر = ولانا عبيد لغيـر رب العبـادي

وملوكنا يالمعتدي فعلهـم غيـر = الله يديم الحب والامـن بـادي

سارو على درب الامام المناعير = بالدين والتقدير والامـن سـادي

صبيهم بالحرب ينطح طوابيـر = وكبيرهم بالكون مالـه مـلادي

ماعاملونا بالعصى والسواطيـر = تخسون ياللى تنشرون السوادي

شف دارنا بعاليـات المسابيـر = رفرف علمنا فوق كل البـلادي

ويخادم البيتين بنواصل السيـر = وحنا لكـم بالنايبـات السنـادي

حنا ذراكم لو تهب المعاصيـر = وسيوفنا بين النحـر والثنـادي

حنا شربنـا حبكـم يالمناعيـر = من الطفولـة يومنـا بالمهـادي

اية يتهزع وقمحـو يالمعاثيـر = والسيف في يمناه رمز الجهادي

أبنصحك يامخطي سكة السيـر = مالك ومال مجمعين الدوادي

مانته لدي للسيـوف المشاهيـر = غادي ومن يتبع مماشيك غادي

[عبدالعزيز الفرج]

صح لسانك ولاهنت

[Dr.5x]

صح لسانك يالقرم ولاهنت

[رشيد الكسر]

مانعرلفه هالفقيه ولا درينا عنه

لكن على العموم صح لساااانك ..

تحياتي

رشيد الكسر

[طلال بن نشار]

صح أبدانكم ومشكورين على مروركم المميز تقبلو تحياااااااااااتي وتقديري

[البارع]

صح لسااانك يالنشار والفقيه وشلته مدحورين مدحورين ..