فمي تفطر

[فـهـد العتيبي]

ارسل يقول اهواك واطلب وصاتك
في الجود فالدنيا وابـــيها بتوثيق

انصح وراع الطبع جعلي فداتك
ابغى اكون بعاليات الشواهيق

نفسي عجيب طبعها وش سواتك
لا صار من حب العطا شحه يعيق

رديت ابشر يالغلا بامنياتك
خذ من حصيل العمر خبرات صدّيق

يا صاحبي لا ودت الخير ذاتك
ترى العطا ما هو لكل المخاليق


لا تعطي الا مستحق لعطاتك
ولا تقبل الأقوال من غير تدقيق

كم ناصحٍ ظنيــت نصحه نجاتك
أصبحت من نصحه على زود تفريق

وكم عين هاوي خانِتِك بالتفاتك
وكم دمعةٍ ما هي على القول تصديق

وكم واحد طمَّعك بابشر وجاتك
ما نوّلك من موعده غير تشويق

هذا بعض توجيه واما غلاتك
ساوت غلا ما يغلي الدرِّ ذويق

وان كان تبغي الحل في مشكلاتك
اسمع جوابي وطبقه خير تطبيق

دامك تحب تزيد قدر حسناتك
وتشح في مالك وتشكي من الضيق

بانصحك باجرٍ ما يضيع غناتك
فالمستحق الي شكا دون تلفيق

تبغى لك أجرٍ تكسبه من شفاتك
فمي تفطر مشتهي بلة الريق

__________________

[شيخ الشيوخـ]

:)
صح لسانك يافهد
ابداع يستحق الاشاده

لاهنت ويامرحبا بك

[بنت الهيــــلا]

تصوير جميل صح لسانك ودام نبضك

تحيآتي

[عزيزة الجناب]

فهد

كل عام وانت بخير

الله الله

صح لسانك

مبدع كالعاده

لاهنت

[فيصل بـن طعيس]

تفوق الوصف يافهد



صح الله السانك



ولا تحرمنا جديدك



تقبل مروري

[عبدالله المرشدي]

صح لسانك يافهد

وعلى شانك


مبدع مبدع

كالعاده تحيتي لك

[شموخ طفله]

مبدع كعادتك اخووي