و ارجلي اللي ماتوذّي على الجار .. ولا أحد (ن) شكا منها الدروب الرديّه

[مامثلي أحد]

-


قبل قرابة الثلاثة أسابيع يا أحبة في صباح يوم جميل و على سمفونيات زقزقة العصافير وبينما أنا ( راقي ) لمكتبي بالدور الثالث الله يغربلهم يوم غربلوني بصعود الدرج المهم و الله يشيلني ليني طاير بالسماء ثم عدت إلى الأرض في قفزة هي الأعلى من قفزة فيليكس ( تخيلتني لابس مثل فيليكس ) و أجيكم مدرعم على خشتي و رجلي تنعفط تحتي في طيحة لا أستطيع وصفها حيث تتلاطم أمواج الكلام و ينربط اللسان لكنها في الحقيقة أليمه تلفّت لاحد يشوفني ثم يخليني حتسي في فمه ولم أرى إلا ( أسلم = الهندي اللي ينظف عندنا ) يناظرني من بعيد وهو اللي يجيني يمشي مليون و يخمخمني ويبتسي : أرااه رجلينك وحدة تحتك ووحده يسار و أرااه خشتك حمراء و أرااه عيونك حمر .. أنت توجس شيء ؟ قلت له وأنا أناشق : لا أشعر بشيء سوى أن رجلي اليمنى لم أعد أشعر بها وكأنها ليست من جسدي ..حاولت جاهداً أن اخفي الدموع لأن الرجال لا يبكون إلا دمعة عاندتني و سقطت كانت كفيلة باستدرار عطفه ومن ثم ( شقلني ) إلى مكتبي بعد أن مطخته بوسه فأنا أحبه محبة لا يعلمها سوى الله و تركني هناك جثة هامدة حاولت مراراً و تكراراً أن ( أقحص ) مثل الذئب لكن دون جدوى .. تلفت يمنة ويسره نظرت في المرآه إلى خشتي المليحة و أخذت أسترجع شريط أحداثي اليومية وأنا في حيرة من أمري
أبو صويلح اللي كل شوي حاشرني بزواية وتعال يا شيخ مامثلي وسمّ ياشخ يبي أعرس على بنته و ألا دحيم جعله اللي مانيب قايل اللي نهاية كل دوام يتكي بمكتبي ويقعد يلّمح و يعصر دميعاته يرثي لحاله من شقل خواته وتوصليهن للجامعة كل يوم ومتى يلقفهن الفارس المغوار على جواده الأبيض كي يتنفس الصعداء ويرتاح من همهن الحمدلله أن خواتي كلهن اعرسن ما خطبنا لهن شعب مخفة قسم بالله وإلا ذي عقول ؟! وألا أبو مشعل اللي كل شوي يقزقز شعري و يسألني إذا كنت أستعمل زيت الخروع ليكون بهذا الطول والجمال .. أكيد أنها عيونهم النحيسة اللي شقلتني سماء وخلتني أطيح هالطيحة الأليمة ..

ولأنني لا أحب المستشفيات ولأنهم من تالي يزيدون الطين بلة قررت ان لا أذهب إليهم وحتى كتابة هذه السطور و أخيكم يشعر بألم شديد في ركبته عند المشي أو الجلوس أو صعود السلالم وأشين شي بالحياة أنك تكتب موضوع همن تبحل بالخاتمة هههههههه ياحبني لكم




-

[هماليل نجد]

الله يعطيك العافيه على الطرح الراقي

بارك الله فيك لااااااااهنت

[مامثلي أحد]

-

المشاركة الأصلية كتبت بواسطة هماليل نجد الله يعطيك العافيه على الطرح الراقي بارك الله فيك لااااااااهنت

الله يعافيك هماليل
شكراً






-

[{ أبوفيصل }]

ابوك يالـ فيليكس

حمداً لله على السلامه

انتبه ! من عوينات المشافيح

الله ياقانا وياقاك معافــا اخوي ما مثلك أحـــــــــــــد

[سُقياْ جُنونْ]

أولاً و قبلَ شيء حمداً لله على السلآمة ، كسر سيقان ولا كسر رقآب .

ثانياً أقول الرجآل مختفيّ أثرك متكسر و من الدورّ الثآلث ،
حسآفه ما صورك أسلم الحنونَ و الله لو مكَانه أني لا أقعد و أفطس من الضحك
و أضحك لين يطلع الضحكَ من شريآني الأورطي
ثمن آسألك وش تحس ، و أنتم قالبينها فيلم هندي

منَ زينكَ تعرسَ على بنته تلقآه رآحمك آعزب وَ مسيكينَ ، لوَ البنت اللي جآيه وَ قايلةِ تتزوجني يا شيخ ردآد كان قلت لله ما ردتس ي زينة البنات حمده !
و المثلَ يقُول إخطب لبنتك قبل ولدكَ ، و على طآري الخروعَ لامن نشدك قله زيت الحيه كود ينخرش ما عاد ينشد :/

و إن كان هذي عين وشقلتك فوق ، تحت و كلها كسَر تهون ، غيرك تصيبه عين في درآسه و ضاع عمره مدريّ وش يبي في الحيآة ، يموتَ أحسن



قررتَ أن لاتذهبَ ! و نعم الرأي السديد لين تجمع الدم و تلوثَ و جآت لك العلل
تعرف إن الله حق ، و تروح غصب ،
روح الحين بالطيب لا يبترون رجيلاتك ثم لا آبو مشعل و لا آبو صويلح يطالع في خشتك الزينة



وآخيراً ما تشوف شر ،و آدري في زآتك تقول وش تبي ثقيلة الدم ،
و آسفة جداً ضحكت من قلبي على السقوط الحر من أعلى
وسعت صدورنا المهمومة كالعآدة ،

شكراً

[مامثلي أحد]

المشاركة الأصلية كتبت بواسطة سُقياْ جُنونْ أولاً و قبلَ شيء حمداً لله على السلآمة ، كسر سيقان ولا كسر رقآب . أووما كسر سيقان ههههه الله يسلمك ثانياً أقول الرجآل مختفيّ أثرك متكسر و من الدورّ الثآلث ، حسآفه ما صورك أسلم الحنونَ و الله لو مكَانه أني لا أقعد و أفطس من الضحك و أضحك لين يطلع الضحكَ من شريآني الأورطي ثمن آسألك وش تحس ، و أنتم قالبينها فيلم هندي فلم هندي من حر ما أونس هههههه منَ زينكَ تعرسَ على بنته تلقآه رآحمك آعزب وَ مسيكينَ ، ينرحمون من قلب العزابية ههههه لوَ البنت اللي جآيه وَ قايلةِ تتزوجني يا شيخ ردآد كان قلت لله ما ردتس ي زينة البنات حمده ! وأنا فذيك الساعة لما تجيني بنت وتقولي هالحتسي و المثلَ يقُول إخطب لبنتك قبل ولدكَ ، مثل بايخ و على طآري الخروعَ لامن نشدك قله زيت الحيه كود ينخرش ما عاد ينشد :/ أووه زيت الحية أعبر من الخروع بالعكس أكون عامل فيه خير إذا دليتوه عليه و إن كان هذي عين وشقلتك فوق ، تحت و كلها كسَر تهون ، غيرك تصيبه عين في درآسه و ضاع عمره مدريّ وش يبي في الحيآة ، يموتَ أحسن الله أكبر ياذا الدراسة يعني الدراسة أهم عندك من صحتك وعافية جسدك ماعليه تمشين بعكاز و بمشية مترنحة مادمت حاصلة على شهادة أد الدونيا أخخخ ياسقيا أن شاء الله ماتحسين بربع ما أحس به الآن قررتَ أن لاتذهبَ ! و نعم الرأي السديد لين تجمع الدم و تلوثَ و جآت لك العلل تعرف إن الله حق ، و تروح غصب ، روح الحين بالطيب لا يبترون رجيلاتك ثم لا آبو مشعل و لا آبو صويلح يطالع في خشتك الزينة أووما يبترون و بعدين مافيه تجمع دم ومن ذي العلوم << مد عصاقيله وقام يناظرهن وآخيراً ما تشوف شر ،و آدري في زآتك تقول وش تبي ثقيلة الدم ، و آسفة جداً ضحكت من قلبي على السقوط الحر من أعلى وسعت صدورنا المهمومة كالعآدة ، شكراً

وسعي صدرك مادايماشي على قولة المصريين
دمتِ بفرح يحتويك



-

[مامثلي أحد]

-

المشاركة الأصلية كتبت بواسطة العطـاااوي ابوك يالـ فيليكس حمداً لله على السلامه أرحب العطاوي يسلمك ياملي مبطين عنك وين الناس << يخمه يحب عليه انتبه ! من عوينات المشافيح الله ياقانا وياقاك معافــا اخوي ما مثلك أحـــــــــــــد

الله يعافيك ويخليك لعين ترجيك





-

[مامثلي أحد]

-


الله يسلمكم لا أراكم الله مكروه
سقيا وش تحسين فيه تضحكين علي



راجع لكم




-

[قلب الذهب]

قبل المجاملات والحتسي الفاضي وسلامتك وذا الحركات عندي ( نقطة ) كلام وملاحظه

:

ورآك مرصص كلامك جنب بعضه قسمبلآه تشقلبت عويناتي وأنا آحاول آقراه

لين إستعنت بنظارتي ( إعمل مسافه بين جمله وجمله لآهانت يدينك ) ..

بسم الله ونبداء بعد التوكل عليه وبعد مآخلصنا تحلطم عليك

آول شي آنا آتسذب شي فوق ولآ تصدقن يوم قلت مجاملات وكلام فاضي

و الحمدالله ع سلامتك آخر الطيحات يارب والله يقوم حظك من عنده

و بعدين تعال فيذا وش ذا الكلام كل يوم يحشرونك تلميح وكلامن ماله سنع يزوجونك وخرابيط

مآعليك منهم آقدح لهم بس قلّهم العزوبيه لا تقدر بثمن ومابعد شبعت من نفسي عشان آوديها بيدي للتهلكه خلك وسيع وجه وإزبد عليهم << هذي اللي نصايحها بتعملك عزله إجتماعيه ( فيس يسوي حبتين )

المهم و لآ أطولها عليك سلم لنا ع أسلم وصدقيني آنه آسلم لك وآنفع من ابو صويلح والثاني , هو أنقذك وهم بيدفنونك حي

<< خلصت كلامها ونفضت يدينها وقالت كفارة المجلس ومعسلامه .. فوتك بعافيه يآأخويه ..

[مامثلي أحد]

-

المشاركة الأصلية كتبت بواسطة قلب الذهب قبل المجاملات والحتسي الفاضي وسلامتك وذا الحركات عندي ( نقطة ) كلام وملاحظه ياساتر ورآك مرصص كلامك جنب بعضه قسمبلآه تشقلبت عويناتي وأنا آحاول آقراه أنتي خليك من الجوال و أدخلي من اللاب عشان ما تشوفين الكلام خام بعضه وكل واحد واقف في حاله ومؤدب <<حاقد مايعرف يشارك من الجوال لين إستعنت بنظارتي ( إعمل مسافه بين جمله وجمله لآهانت يدينك ) .. غالية والطلب رخيص .. أبشري:Rose: بسم الله ونبداء بعد التوكل عليه وبعد مآخلصنا تحلطم عليك آول شي آنا آتسذب شي فوق ولآ تصدقن يوم قلت مجاملات وكلام فاضي و الحمدالله ع سلامتك آخر الطيحات يارب والله يقوم حظك من عنده الله يسلمك ياعين أبوي شكراً ع الدعوة الزينة و بعدين تعال فيذا وش ذا الكلام كل يوم يحشرونك تلميح وكلامن ماله سنع يزوجونك وخرابيط قسمبلاااه هذا الحاصل عقدوني من العرس .. أحس بتكه إذا أحد جاب طاريه مآعليك منهم آقدح لهم بس قلّهم العزوبيه لا تقدر بثمن ومابعد شبعت من نفسي عشان آوديها بيدي للتهلكه خلك وسيع وجه وإزبد عليهم << هذي اللي نصايحها بتعملك عزله إجتماعيه ( فيس يسوي حبتين ) وشلون أقدح لهم و أراه حصه تقول أطلق شيء بالحياة العرس هقوتك بتخلص مني المهم و لآ أطولها عليك سلم لنا ع أسلم وصدقيني آنه آسلم لك وآنفع من ابو صويلح والثاني , هو أنقذك وهم بيدفنونك حي منب مسلم لك عليه ياحبني له أسلم مع أن ماعنده ماعند جدتي لكن قلب كبير << خلصت كلامها ونفضت يدينها وقالت كفارة المجلس ومعسلامه .. فوتك بعافيه يآأخويه ..

لا تكونين من اللي إذ جوا يتكلمون ينفضون يدينهم
الحتسي يكفي عن لغة الإشارة
شكراً من القلب يا أوختي ( قلب أخوي ) هههههه




-