من اختياري

[عتيبي بريطانيا]

[center]سر ياقلم واكتب اللي خاطري كنه

كنيت جرح سهرت الليل من شانه

كنيتها لين حدتني على الونه

وهيضت فكر القصيد وزانت الحانه

ياهيه ياللي تسوج الهرج وتعنه

ترى كثير السوالف مالها خانه

لوكان رزقي بيدينك ماعلي منه

ما مد كفي لرجل طول لسانه

رزقي علي لا عطا شي مامنه

ولايدين العرب تعطي ومنانه

لاشحت الناس ربي يعطي الجنه

مايغني الا كريم الوجه سبحانه

العز للنفس واجب والحيا سنه

وانا يديني من الثنتين مليانه

الشاعر : ذيب ربيع القحطاني

[وجودك يكفي]

صح لسان الشاعر ذيب وتسلم يمينك على النقل

احترامي

[جااابر]

اختيار موفق ....
تسلم ذائقتك .

[الأدميرال]

صح السان الشاعر ذيب القحطاني
وتسلم ياعتيبي بريطانيا على النقل الحلو

[اصايل]

صح ذوقك عتيبي

تسلم

[النآيفة]

ياهيه ياللي تسوج الهرج وتعنه

ترى كثير السوالف مالها خانه



صحّ اختيــآركـ ..
ولاهنت..

[عتيبي بريطانيا]

صحت ابدانكم جميع والحقيقه هذي الابيات تعبت في وجود شاعرها لانه ماعرف منها الا الابيات الثلاثه الاخيره

ولكن خدمني احد زملائي اللي هو احد اقارب الشاعر وتواصلت مع الشاعر شخصيا ورفض لان القصيده لها مناسبه

وقديمه جدا وموجهه لشخص معين وهو لايدري بانتشارها لانه بعيد عن الاعلام وبعد اصرار والحاح مني سرد لي هالابيات المميزه جدا

اشكركم على تفاعلكم ومروركم على متصفحي

تحياتي

[عتيبي بريطانيا]

اشكر تفاعلكم