غازي الشمري<طلقها تاديب لها !!!؟؟

[تباريح الروقي]

طلّق رجل زوجته على الهواء عبر برنامج “خفايا زوجية” لعدم طاعتها له بعد استشارته المستشار الأسري الدكتور غازي الشمري.

وكان الزوج قد اشتكي خلال اتصال هاتفي بالبرنامج من سفر زوجته من جدة إلى الرياض دون إذنه، موضحاً أنه وافق على عمل زوجته شريطة ألا تقصر في أداء واجباتها الزوجية والأسرية، إلا أنه فوجئ برغبتها في السفر بمفردها إلى الرياض لحضور أحد الملتقيات العملية التابعة لمحيط عملها.

ولفت الزوج إلى أنه خيّرها بين رعاية أسرتها وبين السفر، إلا أنها ضربت برأيه عرض الحائط، وفوجئ باتصالها من المطار تخبره بسفرها إلى الرياض.

وباستشارة الدكتور غازي الشمري اقترح عليه طلاقها تأديباً لها على ما اقترفته من خطأ في حقه وحق بيتها، ناصحا إياه بمراجعتها إذا أبدت أسفها وندمها على فعلتها، فما كان من الزوج إلا الاستجابة الفورية للاقتراح، فطلقها عبر “أثير البرنامج”.

الجدير بالذكر أن برنامج “خفايا زوجية” يُبث ظهر الجمعة من كل أسبوع عبر إذاعة “بانوراما mbc”، ويقدمه المستشار الأسري والمشرف على موقع “تصافينا” الدكتور غازي الشمري.







-



لاتعليق....


تحياتي\تباريح

[وجودك يكفي]

طاعة الزوج واجبه . وإن شاء الله تندم على فعلها وتبدي أسفها وترجع لبيتها وزوجها وعيالها


لاهنتي على النقل ياتبااريح


احترامي

[اصايل]

تصرفها خاطئ بلاشك لكن القرار السريع ماله داعي وبالذات في الطلاق !!
تسلمين تباريح

[الأدميرال]

المشاركة الأصلية كتبت بواسطة اصايل تصرفها خاطئ بلاشك لكن القرار السريع ماله داعي وبالذات في الطلاق !! تسلمين تباريح

اذا هذا فعلها وهذا الخطاء يا اصايل متى يكون الطلاق
اذا طلبت منها تطبخي لي كبسه وراحت تطبخلي بيض؟؟؟

ولاوش رايك
اخليها تسافر وتسكن بـ فنقد لحالها ومدري من يجيبها ويوديها وانا مثل التيس ال
راضي بفعلتها واناااام وانا قرير العينين

انا اشوف ان القرار سليم 100/100

[الأدميرال]

المشاركة الأصلية كتبت بواسطة تباريح الروقي ولفت الزوج إلى أنه خيّرها بين رعاية أسرتها وبين السفر، إلا أنها ضربت برأيه عرض الحائط، وفوجئ باتصالها من المطار تخبره بسفرها إلى الرياض.

ليه قسى عليه ماسوت شي ابد
المفروض يقولها تروحين وترجعين بالسلامه ياقلبي


انا اشوف شي عن شي يفرق لو ضربت برايه على الحايط وهي رايحه لبيت اهلها نقول مشها عادي وش المشكله انا يالزوج غلطان ومالي حق امنعها من بيت اهلها
لاكن توصل المواصيل انها بتسافر لحالها وتتصل علي وتقول انا بالمطار وتراني مسافره يعني ما ادري هي تحدي بينها وبين زوجها ولا ش تفكيرها بالضبط بس
بتصرفها هذا ماراح استشير احد طالق ثما طالق ثما طالق مع دعوه تروحين بلا رجعه

[مامثلي أحد]

-


الطلاق صار مثل شربة المويه .. مانيب معه ولا مع المستئار الأسري اللي بدل مايكحلها
أعماها فرحان هو و برنامجه صاد له صيده طلاق لايف على الهواء مباشرة

هو عارف مسبقاُ بوضع زوجته وظروف عملها ليش العناد الحين و أقعدي ببيتك وهي عندها عمل ؟!
واحد من الأقارب معلم وزوجته الثانية دكتوره وكل أسبوع والثاني مستأذن من دوامه ومسافر معها
ملتقيات وندوات طبية مرة لدبي ومرة لصلاله ومرة الرياض مع العلم أنها بأمكانها
السفر مع زميلاتها محفوله مكفوله ذهاباً وعوده لكنه يصر على مرافقتها وفقه الله
و أثابه على حسن خلقه مع زوجته ..


على المرأة أن تحسن اختيار الزوج لا تطيح بواحدن يعل حياتها

شكراً تباريح




-

[اصايل]

لا ،،،يهددها بالطلاق اول ولو ماتابت وعاندت يطلقها

وبعدين فيه طرق للتأديب قبل الطلاق نص عليها القران الكريم

[رغدالشيباني]

كلهم غلطانين!!!
الزوج والشرطيه اللي ماغير تطامر فالمطارات والشمري

لاهنتي تباريح

[تباريح الروقي]

ههههههههههههههههههههههههه<<اصايل ومامثلي احد... كل واحد بحط له صفحة منكم


وتناشبوا ليين يطيح مافئ روسكم<<مافيني شدة عليكم ههههههههههههههههه



لي عوودة ولي تعليق بينكم...

[ديم]

خفايا الموضوع وتفاصيله لا يعرفها إلا الزوجين (طرفي النكبة المذياعية)

ولكن بما إن الزوج قد وافق على عملها وحضور هذه الملتقيات جزء من العمل فلا يحق له الآن (التراجع عن شيء من أساسيات هذا العمل)

عاد ودي أقول للست المدام (فكة من جحا غنيمه)

وبعدين هالبرنامج المفروض يغير اسمه من خفايا زوجيه إلى فضايح زوجيه


تسلمين يا تباريح على النقل