صباح الصبايا \ الشاعر فيصل العتيبي ...

[ميمو العتيبي]

البارحه و الفكر يلعب به الطاري
مابين جرف العنا واقسى دحاديره


.


فضت صباح الصبايا ليلي الساري
وازهر لها العمر وانفرجت اساريره


.


جتني تزف الهدوء لربكة افكاري
خجلى مثل نسمة العيد و تباشيره


.


يامرحبا والهوى جرمي ومعذاري
من بزغة اشراقك وجوقة عصافيره : ...


.


... الى تواريك بحجابك عن انظاري
بينا غرامك يعرض احلى مشاويره


.


يامرحبا كثر مالبستك اشعاري
واكبر من الشوق واحلى من تعابيره


.


يا نوتة العشق ياعودي وقيثاري
ياسيرة الهيل وحكاية مباهيره


.


انتي ربيع الحنايا واجمل اقداري
انتي من انتي سوى الخير وسوى الخيره


.


العام يوم الهموم تطرز اخباري
والوقت ترقص على جراحي سواطيره


.


على ضفاف الدموع ونهرها الجاري
وحيدٍ .. الا من الاوهام والحيره


.


جيتي سحابة حيا ياقدرة الباري
كيف الزمن ضحكت بوجهي مقاديره


.


جيتي من اللا وجود لحزني العاري
وجعلتي ايام عمري للفرح سيره


.
.
.


وسلامتكم

[وجودك يكفي]

صح لسان شاعرها ولاهنت ياميمو على النقل

احترامي

[♥أميرة الـ غ ـيد♥]

صّحْ لسَانْ فَيصَلْ العتَيْبيٌ
وسَلِمَتْ يمينْ آلنَآقِل

[صمت السنين]

صح لسان شاعرها ومشكور ع النقل
تقبل مروري

[طال انتظارك]

مشكور على النقل وصح لسان القائل والناقل للمنتدى وياهلاوغلا

[محمد النايف]

لا هنت
تقديري

[خالد ابن نجر]

وانا اقول يسعد صباحك ياكاتب الأبيات

[اخو هبسه]

صح لسانك