فديت .....اللي ...

[البـراق الثبيتي]

فديت اللي يناظرني بعيــــــن(ن) رمشها ممدود
وإذا ناظـــرت يرخيها عقـــــب ما هو يناظرني

أحبه حب ما يوصف , ما ينقـــــاس , بليا حدود
جمــــال وطبــــع متميز ، بهالثنتين آســــــرني

عقب ماني أنا الصياد طحت وصرت له مصيود
وأزرت كل أفكــــــاري من أحباله تحـــــــررني

أحبه يوم لي يضحــــــــــك ، لا عاذل ولا منقود
له ضحكة لها لـــــــذة ، خصوصاً يوم يقاطرني

أحبه يوم نتزاعل ، ونبــــطي في هجر وصدود
وأرجع له ويتغـــــــلى : ( بعد للحين فاكرني )

أحبه يوم علي يغـــار ويشب وكنــــــــه البارود
وأتأسف وأنا فــرحان ، غرور الكـون غامرني

أحبه لا نطق باسمي بصـــــوته الدافي المعهود
وينسى وش بغى مني يوم أقول : آمـــــــرني

شرى قلبي وأنا بعته بليا صــك , بليا عقــــود
لأني بس في قلبه ولا واحد مخاشــــــــــرني

حسبته حالة وتعدي , وهاليــومين زاد الزود
أنام وطيفه الفتــــان بأحلامي مسامــــــــرني

وسلامتكم
البراق الثبيتي

[شموخ طفله]

قصيدة رائعة رسمتها بريشة تنزف بكـ و تجذب ناظرها إلى الإبحاروالتعمق فيها


والغرق بين سطورها لاكتشاف المزيد ولكن ؟؟! لا مزيد !


أتمنى لكَ من الخير أكثره ومن السعادة أجلاها .. دمت باحساسكـ المرهف

[البـراق الثبيتي]

المشاركة الأصلية كتبت بواسطة شموخ طفله قصيدة رائعة رسمتها بريشة تنزف بكـ و تجذب ناظرها إلى الإبحاروالتعمق فيها والغرق بين سطورها لاكتشاف المزيد ولكن ؟؟! لا مزيد ! أتمنى لكَ من الخير أكثره ومن السعادة أجلاها .. دمت باحساسكـ المرهف

شموخ طفلة
/
/
/
شامخة حتى في ردك

مرورك أسعدني

[البارع]

صح لسااااااااااااانك يابن العم وقصيده تنبىء بشاعر قادم وجميل ,,,

ويقول المثل الصديق من صدقك لامن صدّقك والقصيده ناقصه من اناحية الوزن ,,,

اسمحلي بنقلها للمواهب وااتمنى ان نراك في نص جديد مكتمل ,,,

تقبل تحياتي ,,,

[البـراق الثبيتي]

أخوي البارع

صح بدنك , ولاهنت على المرور
الذي
/
/
يعني لي الكثير

يا ليت إذا تقدر تعطيني مجال
لمراسلتك على الخاص

لأن خمسين مشاركة صعبة علي
خصوصاً وأنا ما أحب الرد لمجرد الرد

موفق دوم

[البارع]

المشاركة الأصلية كتبت بواسطة البـراق الثبيتي أخوي البارع صح بدنك , ولاهنت على المرور الذي / / يعني لي الكثير يا ليت إذا تقدر تعطيني مجال لمراسلتك على الخاص لأن خمسين مشاركة صعبة علي خصوصاً وأنا ما أحب الرد لمجرد الرد موفق دوم

قول اللي بخاطرك هنا يالبراق لان نظام المراسله على الخاص يلزمك بعدد المشاركات

والصلاحيه ماهي عندي يالغالي ,, مير اللي تبيه اطرحه هنااااا ,,,

ومنور منتداكـــــــ يالقرم ..

[البـراق الثبيتي]

المشاركة الأصلية كتبت بواسطة البارع والصلاحيه ماهي عندي يالغالي ,, مير اللي تبيه اطرحه هنااااا ,,, ومنور منتداكـــــــ يالقرم ..

بيض الله وجهك وأنا أخوك
وجعلك ذخر دوم
ولي عودة للتواصل معك
بحول الله

..................