بنتـــك إلا منـــّه عــوى الذّيــب ( ذيبه)

[عزيزة الجناب]

يابــــــوي جعلك للبقــــــا والمكاسيــــــب
عمـــري بدونك يالــذَرا ويـــش أبي بــه

يابــــوي تســـأل عن شفـــــاك المراقيب

طلعــــة ســــــواتك للنــــّوايف غريبـــــه


ليــــه المـــــرض مايعرف الزّيـــن والعيب ؟

مــــايدري انك للمخـــــــــاليق هيبـــــه !!


أبســــألك وش بــــه غـــزا وجهك الشيب

والقـــلب لايــــع والنـــــواظر شحيبـــــه


وش بــــك تحــــاتي لانــــوى الموت تغريب

تخشــــى عليــــنا بالليـــّالي الكئيبـــــه


خـــذ دلــّتك واركـــــى على مسند الجيب

وعطنــي شمــــاغك بلثمـــــه وأحتمــي به


ونـــروّح لأرض ٍ بهــــا العشــب والطيب

وتسمــــع كلام ٍ يالغــــلا تحتفـــــي به


يابــوي بنتك لاانحكـــــى بالتــّجاريب

كـــل ٍ يشق لهيبــــه الصـــّيت جيبـــه


يابـــوي مـــاني من ســـوات المخاريب

اللـــّي تجيب لعليــــَة القــوم خيـــــبه


ومــاني من اللــّي لامشت حفــّها الرّيب

أنا مـــن اللــّي مايـــدنـــّس حليبـــــه

مـــرفوع شـــاني عن غــرام المكاتيــب

وأكبـــر من انّني أرتضـــــي بالحبيبه


أنــا غرامـــي لاابتـــــدوا بالــتّراحيب

نفوس الأوادم في وجـــودي رحيبــــه


وان كـــان زينـــــي فتنـــة ٍ للمــصاويب

أحــــط وجهـــي بالحــــريق ولهيبـــه


زينـــي أبيعـــه وأشتــــري سمعه الطّيب

اســــم ٍ ينـــومس بالصـــّروح الذ ّهيــــبه


وان كـــان عندي ( بالحـــلا) شي ٍ اصعيب

عندي جــــدود ٍ مارضــــت بالغليبـــــه


دمــــوع القبايل في لقـــانا مســــاكيب

كــــن المقــــابر لاحضـــرنا قريبــــــه


خضـــّبت لك كفـــّي من العـــز تخضيب

ورفعــــت راسي للنــّجوم الصــّعيبه


واللــــه لأســــدّك بالفــعول المصاليب

واللـــــه لأشيـــلك بالرخـــا والمصيبه


طــــلع المعــالي ماانحكــــم للشــّواريب

بنـــت ٍ وأنـــــاطح فارس القـــوم طيبه


وياشيخـــي إبشــر لوتدور الدّواليـــب

بنتـــك إلا منـــّه عــوى الذّيــب ( ذيبه)

[ابوسـعد]

مشكورة رمانه على النقل واختيار فريد من نوعه..وياهلاوغلا

[عزيزة الجناب]

المشاركة الأصلية كتبت بواسطة ابوسـعد مشكورة رمانه على النقل واختيار فريد من نوعه..وياهلاوغلا

ابوسعد

شرف متصفحي بحضورك الباذخ

الف شكر

لاهنت

[عذب السجايا]

وياشيخـــي إبشــر لوتدور الدّواليـــب بنتـــك إلا منـــّه عــوى الذّيــب ( ذيبه)

كفوووووو كفوووووو والله كفوووووووووووو
يا رمانه
والله اني عارف انك داهيه في كل شي
ومكتشف شاعريتكِ من خلال نقدكِ للشعر

وان كـــان عندي ( بالحـــلا) شي ٍ اصعيب عندي جــــدود ٍ مارضــــت بالغليبـــــه

لله دركِ على هالبيت بالفعل :
(جمالها فعل رجالها)
والنعم والله في الحمولة اللي أنتي منهم

وسمحي لي ع المرور المتواضع

[عزيزة الجناب]

المشاركة الأصلية كتبت بواسطة عذب السجايا كفوووووو كفوووووو والله كفوووووووووووو يا رمانه والله اني عارف انك داهيه في كل شي ومكتشف شاعريتكِ من خلال نقدكِ للشعر لله دركِ على هالبيت بالفعل : (جمالها فعل رجالها) والنعم والله في الحمولة اللي أنتي منهم وسمحي لي ع المرور المتواضع

عذب السجايا

الله يسمع منك واكون شاعره

الف شكر

ولاهنت

[الركــن]

الاخت رمانه

نشكرك على هذا النقل المميز والرائع والى الامام.

الركن

[عزيزة الجناب]

المشاركة الأصلية كتبت بواسطة الركــن الاخت رمانه نشكرك على هذا النقل المميز والرائع والى الامام. الركن

الركن

العفو

الف شكر

لاهنت

[وجودك يكفي]

لآهنتي يارمانة الطايف والله يعطيك العافيه على الإختيار الموفق والجميل

[عزيزة الجناب]

المشاركة الأصلية كتبت بواسطة وجودك يكفي لآهنتي يارمانة الطايف والله يعطيك العافيه على الإختيار الموفق والجميل

وجودك يكفي

الف شكر

ويعطيك العافيه

لاهنت

[همس]

رمااانه عشتي ياذيبانه :)
وصصح ذوقك
أبيات بقمة الجزاله
لآآآعدمناااك

’