جــرح الغـــلآ

[فهد بن فهم]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تنقّضـي ياجروح العام وأدمينــــي"="ودّي يزيد الألــم من دمـك الحامــي

تكرّمي ياجروح القلـب وأشقينــــي"="وش عاد لو هو مضـى لك بالحشا عامي

أدري جروحـي عليّـه كــم تدارينـي"="مـا ودك القلـب يبقـى دوم منضامـي

وأقول لاترحميــن القلـب زيدينــي"="ِزيـدي حيـاة الشقـا تكفين بأوهامي

مايكفـي الجرح ِزيديني بجرحينـي"="خلينـي أذوق من محبوبـي آلامــــي

محبوبـي اللي مع آلامـك يبـارينـي"="مايظهـر الا يشوف إن الحشــا دامـي

رغـم إن داره بعيـده وينـه ووينــي"="مـع الألـم كـن خشـف الريـم قدامـي

تكفيـن كان الألـم يمـه يودينـــي"="خليـه يرعـى اللحم ويبـدد إعظامـي

يفـداه قلـبٍ ورى طاريـه مشقينــي"="ويفـداه جفـنٍ سهـر عاميـن ما نامي

خليـه في مهجتي عنــدي يواسينــي"="يجبـر عـزى خافقـي في ميّت إهيامـي

والله فـلا أبغـى الألـم لحظه يخليني"="وش فايدتهــا بـلا جرح الغلا أيامي

وكانك شفيتـي ولا نيتـك تدمينـــي"="الله يعـوّض بجـرحٍ يبتــدي حـامــي[/poem]

[نوف]

اخوي فهد كعادتك أبهرتني خيالك أوسع من أن أقول واسع كم هي رائعه تلك اللوحه . تسلم يمناك




تقبل من نوف تقديرها

[** راس حربه **]

فهد لاهنت وصح السانك على هالرائعه

دمت كماا تحب وننتظر جديدك

[فهد العايضي]

فــــهــــد بن فــــهــــم


صح لسانك وعلا شانك

وسلمت ودمت

رائعه وجزله جعل تسلم يمينك

[النـايــــــف]

صح لسانك اخوي فهد


وبيض الله وجهك يا الغالي



معليك نبي ننقل القصيده إلى قسم قصائد الاعضاء



تحياتي لك ،،،،

[بنت* عتيبة]

صح لسانك فهد

[الغريق]

صح لسانك فهد ويعطيك الف عافيه

تقبل صادق الود

[إبن ثعلي]

صح السانك يافهد قصيده رائعه وارشحها لمنتدى المواضيع المميزه
تحياتي

[حسام هوازن]

تسلم على القصيدة يولد العم

[فهد بن فهم]

نوفه

هلا وغلا

شكرا لك

ولكلامك الطيب مثلك

لاهنتي