انا من اللي عزهم يشبه الشمس احرار طي وعزوتي شمريه

[بنت شمرالطنايا]

قصيده لشاعر /فالح عبدالله الناهي الشمري /

حائل الاجفر


في غربتي عيني على مطلع الشمس
لـي لابـةٍ مثلـه علـوّه وضّــــــــيـه



لا غبت عنهم ينحمس خاطري حمس
وأرضى إذا جيت النفوس الرضـيّـه



بعض الخلايق ذكرهم يجلب العمـس
وبعض الخلايـق ذكرهـم شاذلـــــيّـه



وأنا هلي بنٍ مـع أرناقـه الخمـس
من لامنـي لاصـرت كلـي حمـــــــيّـه



لي لابةٍ تاريخها يرفـض الطمـس
بكتب العجم لـو خانـت الأبجديّــــــــه



تِسمع بعال الصوت لو تنّطق همس
صفحة فخر يصعب على الناس طــيّه



أمجادها باليوم .. وأمجادها بأمـس
لها عـروقٍ عبـر الأزمـان حـــــــــــيّـه



ولي ديرةٍ يطرب لها الحكي والرمس
حايـل .. وحايـل تحفـةٍ حاتمــــــــــــــيّـه



حايل لو إنه ينلمـس حبهـا لمـس
أبصـم وتظهـر بصمتـي حايلـــــــــــــيّـه



أنا من اللي عزهم يشبـه الشمـس
أحرار طـي .. وعزوتـي شمريـــــــــــه



بن اليمن يفرقه عن غيره الحمـس
وحنا فرقنا الطيـب وسـط البريـــــــــــــه



والله مالي عقب ما أطبـق الخمـس
إلا الوفـاء للشـمـري والحمــــــــــــــــيـه `


وسلامـــــــــــــــــتكم

[شيخ الشيوخـ]

أمجادها باليوم .. وأمجادها بأمـس
لها عـروقٍ عبـر الأزمـان حـــــــــــيّـه




مليار نعم في شمر اهل الكرم والجود ويحق لكم الفخر بهذه القبيلة


لاهنتي على النقل الجزل

[بنت شمرالطنايا]

المشاركة الأصلية كتبت بواسطة شيخ الشيوخـ أمجادها باليوم .. وأمجادها بأمـس لها عـروقٍ عبـر الأزمـان حـــــــــــيّـه مليار نعم في شمر اهل الكرم والجود ويحق لكم الفخر بهذه القبيلة لاهنتي على النقل الجزل

ماعليك زود ونعم في عتيبه الهيلا


وشكرا لحضورك

[إبن ثعلي]

ونعم بشمر الطنايا ولاهنتي يابنت الطنايا على اختيار هذه القصيده الجزله وصح السان شاعرها

[بنت شمرالطنايا]

المشاركة الأصلية كتبت بواسطة إبن ثعلي ونعم بشمر الطنايا ولاهنتي يابنت الطنايا على اختيار هذه القصيده الجزله وصح السان شاعرها

ماعليك زود ونعم في عتيبه ذباحة الحايل لطامة العايل

وصح بدنك

وشكرا لحضورك

[بنت عتب]

والنعم والله بالطنايا

تسلمين ياذوق

ولاهنتي يالغلا

[بنت شمرالطنايا]

المشاركة الأصلية كتبت بواسطة بنت عتب والنعم والله بالطنايا تسلمين ياذوق ولاهنتي يالغلا

ماعليك زود يابعدي

ونعم في هلك العتبان
وشكرا لحضورك

[سلمان]

وسبعين مليون ونعم في شمر

مشكوره يا بنت شمر السناعيس

مشكوره يابنت الطنايا

[بنت شمرالطنايا]

المشاركة الأصلية كتبت بواسطة سلمان وسبعين مليون ونعم في شمر مشكوره يا بنت شمر السناعيس مشكوره يابنت الطنايا

ماعليك زود

وسبعين مليون ونعم في عتيبه الهيلا

وشكرا لحضورك

[乂صـواعب乂]

صح لسان الشاعر

والنعم فيج يابنت شمر وفي قبيلتج ولاهانوا الباقين

تحياتي