عتيق صدري ضاق دن المعاميل

[غليص الشيباني]

عتيق صدري ضاق دن المعاميل
وابصر بحمسة بنها والقنادي

واقصر بماها لايقولون به قيل
واحرص على حباتها من السوادي

وقدم لنا قدوعها والفناجيل
تبعد هموم(ن) خيمت في فؤادي

وقرب لنا بالحال سقم الغراميل
شاص(ن) جديد وحنته هي مرادي

يقنب ليا ناش الدعث والمساييل
كنه وحيد(ن) حاصل له هجادي

وشغل ودور يمه العرق بالليل
وغض النظر لاشفت ناصر وهادي

ناس(ن)تثير من المشاكل بهاذيل
وتخلي الصدقان مثل الاعادي

جابو لي الكلمه وجابو لك القيل
وكل(ن) تبرع بالفشق والعتادي

واصبحت تكرهني بغدر(ن) وتضليل
وانا كرهتك يافتى الجود غادي

ونته بري وجاهل(ن) كل ماقيل
وانا بري من الفتن والجهادي

حتى ولو حطو البن والهيل
وحيل سمان(ن) مفطحه بالبوادي

ولو ساقو المركي ولو ركبو الخيل
ولو قادو الشقح التالي بوادي

ولو فنيت العربان جيل(ن) بعد جيل
مانسا كلام (ن) هاض شربي وزادي

خلاني اسهي صرت مثل المهابيل
وانا صحيح الحال علم (ن) وكادي

عتيق ياريف العجاف المهازيل
لاجن تالي الليل وقت البرادي

يابن الكريم الوقت خطر(ن) بتبديل
احسب حسابك لاتطيل الرقادي

واسلم وسلم عد مادرج السيل
على النبي المصطفى خير هادي


وسلامتكم

للشاعر / رويفع بن دبسي الثقفِـي

[برقآآآآوي]

عتيق صدري ضاق دن المعاميل
وابصر بحمسة بنها والقنادي

واقصر بماها لايقولون به قيل
واحرص على حباتها من السوادي


مشــكــــــور أخوي
على النقل ياغالي


تحياتي \ برقآآآآوي

[غليص الشيباني]

العفو اخوي البرقاوي وشاكرلك مرورك الاكثر من رائع

[اخر رجل]

اخوووووى
غليص اشكرا من قلب صادق على نقلك للقصيد الى يستاهل ينقل بالمنتدى المميز والنادر من نوعة
اخوووووى
تقبل مرورى الدائم وشكرا,,,,,,,,,,

[غليص الشيباني]

الله يعافيك اخوي / هذا اقل شئ نسويه للمنتدى الرائع والاكثر من رائع
شاكرلك مرورك الكريم

[وجودك يكفي]

صح لسان الشاعر رويفع على القصيدة الجزله والرائعه
واشكرك يالشيباني على أختيارك الجزل وطرحك المميز


تقبل مروري
ولك ودي واحترامي ودمت بخير يالغالي

[غليص الشيباني]

شاكرلك مرورك يالغلا ولاهنت

[1من العتبان]

صح لسان الشاعر
وتسلم يمينك يا إبن مشيب