خبر يفيد بتصدي ابناء قبيلة شمر للأنزال المضللي الأمريكي . العتيبي ثارت قريحته

[ممدوح بن زايد]

بعد بث قناة الجزيره الأخباريه خبر يفيد بتصدي أبنا قبيلة شمر للأنزال المضلي للقوات الأميركيه
بالجزيره في العراق في ذلك الوقت.
جاد الشاعر : مطلق بن عواض العتيبي بهذه الابيات
[poem=font="Arial,5,black,bold,normal" bkcolor="transparent" bkimage="backgrounds/17.gif" border="none,4,gray" type=1 line=1 align=center use=ex num="0,black"]
البارحه يوم الخبـر لـي توكـد=واصبح صحيح يوكدونه شهوده
وقفت أحيي فعل الابطال وانشـد=هيضني الموقف بساعـة أوروده
موقف شرف موقف بطولات ينعد=مواقف ألابطـال فيـه محمـوده
يومٍ شمر صدت المعتـدي صـد=اللي على بغداد يحشـد جنـوده
يومٍ على الكافر غدى يومٍ اسود=قـدام شمـر ماتسـره حشـوده
نعمٍ بهـم والله نعـمٍ بـلا حـد=والفعل طيـب والطنايـا قـدوده
قالو لبوش اللي يبا يدخل الحـد=ترى البلد حنـا حمينـا حـدوده
ورجع ذليـل وللخسايـر تكبـد=وإن عادها حط بمقابـر جـدوده
وأنا عتيبـي تهيضـت واقصـد=تعبير واشكر من هذي جهـوده
أعجبني الموقـف بعـد ماتوكـد=فعلٍ ينومس والخلا يق شهـوده[/poem]

منقووول من منتدى الطنايا
فرديت على القصيده بقصيده متواضعه ردآ للجميل وتوثيقآ لعلاقتنا التي لايختلف عليها اثنان مع عتيبه الهيلا
فستجدون قصيدتي في قسم قصائد الاعضاء
انتظر مروركم على قصيدتي هناك

[عادل العصيمي]

صح لسان الشاعر / مطلق بن عواض العتيبي


قصيدة رائعة ويستاهلون الطنايا اكثر


ولا هنت يأخ ممدوح على النقل


تحياتي لك

[كــــآتــم المـــــعنى]

حياك الله أخوي وقصيده رائعه بالرغم من وجود تحفظ لي على طريقة كتابتها بحيث لا يعترف الكاتب بالشده والتنوين الواجب وحروف مثل حرف النون وعدم التأكد أيضا في بعض الشطور كالشطر الآتي
تعبيـر واشكـر مـن هـذي جهـوده

فهذا قد يؤدي إلى كسر غير مقصود

أرجوا من الأعضاء أخذ الحذر والدقه في مثل هذا الأمر لأنه كما تعلمون الشعر حساس إلى درجه بعيده
وأشكر ممدوح بن زايد على المشاركه وبوركت جهوده

والله ولي التوفيق

[ناصر بن سعدي]

ياسلام على النقل المميــز ..


وسلمت يمينك على النقل الرائــع

صح لسان الشاعر / مطلق بن عواض العتيبي


ويستاهلون الطنايا كل المدح ..


وتقبل خالص تحياتي ..

[سهيل الشمري]

صح لسان الشاعر مطلق العتيبي


والله ونعم بعيال عمي الطنايا


أخوي ممدوح شاكر لك هذا النقل المميز بحد ذاته


الله يعطيك العافيه

تحياتي لك

[ممدوح بن زايد]

تستاهل الطيب يابن عجلان
وشكرآ لك على المرور

[ممدوح بن زايد]

الاخ سيف العضياني شكرآ لك على المرور وملاحظاتك
لاهنت

[ممدوح بن زايد]

[align=center]الاخ ناصر بن سعدي
تستاهل الطيب
وسلمت على مرورك
لاهنت[/align]

[ممدوح بن زايد]

[align=center]الاخ سهيل الشمري
شكرآ لمرورك الطيب
لاخلا ولاعدم[/align]