( شــاعر مـطـيــر ) و ( قبيلـة عـتـيـبـه )

[المطاري]

بعد الملابسات التي حدثت في برنامج شاعر العرب
بين البعض من الشعراء فيها المقصود والغير مقصود
هاضت قريحة ( شاعر مطير ) الشاعر الكبير : سعود القت بهذه القصيدة التي يبيّن فيها موقف الرجل العاقل .
وان قبيلة عتيبه بعيد عن الشك والريب
وان قصيدة الشاعر محمد الخس لا تحتمل التأويلات .
وان مطير وعتيبه قبيلتين عزيزتين متجاورتين على سنام المجد .
يجمعهم العز والشموخ .
وهذا رأي الجميع من القبيلتين :





( لمطير وعتيبه عليّه مواجيب )





سر يا قلم مـن دون شـكٍ وريبـه
لمطيـر وعتيبـه عليـه مواجيـب
ما كـل رمـايٍ يصيـب الضريبـه
ولا كـل وبـالٍ يمـس المصاليـب
والعلم ماهـو فالحريـب وحريبـه
للامر توضيحٍ عن الشـك والريـب
شهـادةٍ تنصـى قبيـلـة عتيـبـه
مضمونها فخـر الرياجيـل بالطيـب
والجرح لا عولـج يطـاوع طبيبـه
ولا تدخل الشكات عصـم الاشانيـب
عتيبـه الهيـلا قبيـلـة عريـبـه
وافعالهـا مثـل النجـوم المراقيـب
تاريخهـا شامـخ بعـزٍ وهيـبـه
ومجنبـه كـل الشبوهـات تجنيـب
عوق الخصيم مطوعيـن الصعيبـه
وعز الخوي والجار ضـل الاقاريـب
من منهج الامجـاد نالـت كسيبـه
مثل القبايـل مـا دخلهـا عذاريـب
قبيلـةٍ يـوم الضـروف العصيبـه
قدومها مثـل السيـوف المحاديـب
وبعد معـزي طـوع الـدار ريبـه
علـو علـو معكّفـات المخالـيـب
والعقـل نعمـه والجهالـه مصيبـه
والذيب ما يغتاض من قنبـة الذيـب
وانا مـن اللـي رجلهـم يندعيبـه
سقم الخصوم وسعد من يعشق الطيب





الشاعر : سـعــود الـقـــت

ونحن قبيلتين كقبيلة وحدة والسفهاء من الطرفين لايمثلون كل قبيلة منا

[المسروحي 111]

والله ونعم القبيله ياحمران النواظر
وصح لسان الشاعر وان شاءالله مايفرقكم برنامج
وعتيبه ومطيـر قبيلتين عزيزتين على قبيلة حرب وجيرانا وانسبانا
ولك مني كل الود والتقدير يالمطاري

[صقر الشيابين]

مشكور وما قصرت





والله يوفقك

[الحصان]

صح لسانك ولسان الشاعرسعودالقت قصيدة جزله من شاعرجزل وبخصوص الشاعرالكبيرمحمد بن خلف الخس قصيدته قديمه واعتقد ان نيته سليمه لكن توقيت القصيدة لم يكن في محله و قبيلتي مطيروعتيبة اخوان في الاسلام والعروبة والمذهب وجيران ولن يكدر صفو علاقتهم ببعضهم قصيدة شاعر اومايشابه ذلك

[فلان الفلاني]

المشاركة الأصلية كتبت بواسطة الحصان صح لسانك ولسان الشاعرسعودالقت قصيدة جزله من شاعرجزل وبخصوص الشاعرالكبيرمحمد بن خلف الخس قصيدته قديمه واعتقد ان نيته سليمه لكن توقيت القصيدة لم يكن في محله و قبيلتي مطيروعتيبة اخوان في الاسلام والعروبة والمذهب وجيران ولن يكدر صفو علاقتهم ببعضهم قصيدة شاعر اومايشابه ذلك

مثل ما قال ابو فهد


لا هنت يا المطاري

[عمر العطاوي]

حمران النواظر من القبائل القريبه من قبيلة عتيبه
والله والنعم فيهم ... والنعم بالشاعر سعود القت
ولاهان ... ولاهان من نقلها مشكووووووووووووووووور
تقبل تحياتي

[ولد حرٍب]

هلأ وغلأ

تستأهلون القصيده وفوقهأ حبه خشم ..،، إمأ عن قصيده الخس
فـذكر جهيمان وقأل قيبلته عتيبه ومن إعز القبأيل اي لأ تفرقهم قصيده
وكلن مأخذ قسمـه من الطيب والعلوم الغانمه ..،،

لأهنت علي القصيده وصح لسان قأيلهأ

[ذيب الينوفي]

والجرح لا عولـج يطـاوع طبيبـه
ولا تدخل الشكات عصـم الاشانيـب

يعترف الشاعر القت بأن الخس قد تسبب في جرح اي انه اخطأ سواء في التوقيت او التطرق لجهيمان

ولكن نقول جهيمان والخس كل منهم يمثل نفسه وعتيبه ومطير من اعز قبائل الجزيره

[المطاري]

الطيب يمثل ربعه وجماعته والخس والقت والاسعدي مثلواجماعتهم خير تمثيل بالادب والاخلاق الرفيعه أما جهيمان فهو ردي ويمثل نفسه يالينوفي

[فديت مطير]

و الله معطين الموضوع اكبر من حجمه ..
هو ماسبكم يالعتبان .. مهي من عادة البستان يسب احد .. هو انتقد الارهاب و هذا شي عادي لو جهيمان مطيري مهوب قاصد فيه ..
كل انسان يمثل نفسة ..
انا قريت مواضيع و كلها عن هالقصيد و قصايد قالوها في الشاعر الكبير محمد الخس .. تقشعر منها الابدان .. بس الواحد يرفع نفسة هالناس ..

الله يعين
شوفو الغرب وين وصلو و حنا وين

سامحني على الاطاله