بـــنت لعووب

[ރالزيــاديރ]

ليلة سهرها جابـت العيـد عيديـن
عيد القلوب وعيـد حـزة سهرهـا
الجادل اللي خلت القلـب نصفيـن
جابت خفى روحي وجابت خبرهـا
بنت لعوب وعمرها حول عشريـن
وصعب على غيري يحصل مهرهـا
مهري لها عشق وقصيـد ورياحيـن
وقلايـدن تلمـع بلـبـة نحـرهـا
فيها الحلا والملح والتيـه والزيـن
واشوف شمس الحب تشعل سفرهـا
ميلادها في عـام تسعـة وسبعيـن
وميلاد قلبي ساعـة فـي خدرهـا
تعجبني القامة .. وتذبحنـي العيـن
وتعجبنـي القذلـة وفلـة شعرهـا
غريافة تمشي على العسـر والليـن
عسلوجة لـب الحـلا فـي ثغرهـا
غطروفـة تذبـح قلـوب المحبيـن
خونـدة تهـري سحايـب نظرهـا
من وين أببدا ياهوى البال من ويـن؟
وسيل القصايد في عيونـك مطرهـا
ولاني كاتـب فيـك بيـت وبيتيـن
بنحت صخور الشعر واغرف بحرها
ولاني قايل ياعذى الـروح بعديـن
بعديـن هـاذي مايوفـي ثمـرهـا
جيتي على حـدب الحنايـا تغنيـن
وقوس الضلوع العوج يعزف وترها
والله لارجح لك كفـوف الموازيـن
لين العواذل تحتـرق فـي قهرهـا
والورد والرمان والخـوخ والتيـن
قطفتهـن يـوم إن ربـي ومـرهـا
علمي بها يوم النوى يجلـب البيـن
وراحت بقلبي يـوم قفـت باثرهـا
وياعين ياليلـي .. وياليـل ياعيـن
غرقت في هاك العيـون وحورهـا
والله والله زادت الجـرح جرحيـن
وجابت خفى روحي وجابت خبرها




للشاعر/عايض بن بعيجان

تحياتي للجميع..

[♥أميرة الـ غ ـيد♥]

سلمت يمينك يابدر
القصيده قمه في الرووووووووعه

تقبل اعجابي ب الابيات اعجبتني وااااااااااجد :)

تحياتي لك ..

[ރالزيــاديރ]

أحلى دلع

الروعه هو حضورك الجميل..

وتسلمين على هذا المرور..تحياتي لك..

[إبن ثعلي]

لاهنت يااخ بدر على حسن الاختيار وصح السان الشاعرعايض بعيجان

[ميااااسم]

مشكووووور بدر على النقل ذوقك فعلا اكثر من رائع
وصح الله لسان الشاعر

تحيــــــاااااااااتــي

[عــمـــر]

[align=center]صح لسان شاعرها وتسلم يمين ناقلها

يعطيك الف عافيه يالزيادي

مشكور[/align]

[ރالزيــاديރ]

شيخنا ابن ثعلي مشكور على هذا الحضور الكريم..تحياتي لك..

[بوح الخاطر]

صح الله منطووق الشااعر ولا تهون عالنقل الراائع .. .. :)

[ރالزيــاديރ]

مياااسم مشكورة على هالمرور العطر..تحياتي لك..

[ރالزيــاديރ]

أخوي عمر مشكور على المرور العطر..تحياتي لك..