الــكـــل يــبــكــيــهــا

[غلا العتيبي]

"مرثية "


الكــل يبكيــها



للشاعر / الحميدي الشمري



هنا يرثي الشاعر أمــــه ,,




خايف عليها من الثرى غطاهـا
والاالحصى حافي اخاف آذاهـا
...
اكرم عليها بالكفـن يامطـوع
بالبيت ظل فراشهـا وغطاهـا
...
اكرم عليه بالكفن هذي (امـي)
واشهد عليها في ماعطت يمناها
...
هذي الضحى واليل يتحرونهـا
...
هذي السماء ونجومها تنعاهـا
هذي السوالف مثلنـا تبكيهـا
...
والارض تنشد عن اثر لخطاهـا
هذي الكبيره كبر هذي الدنيـا
...
هذي العظيمة جل مـن سواهـا
ابكي عليهـا مونهـار وليلـة
...
ولاسنة تمشي واعـد قضاهـا
ابكي عليهـا كثـر ماشالتنـي
...
وكثر الحنين اللي اختلط بغناها
وكثرالاسامي وكثر من سموهـا
...
وكثرالنجوم وكثر من يرعاهـا
ابكي عليها من القهـر يادنيـا
...
من لي انا من لي عقب فرقاهـا
من فتحـت عينـي ولاخلتنـي
...
وشوفو ولدها بالقبـر خلاهـا
هل التراب بوجههـا ماقصـر
...
شفتو ولدها كيف هو جازاهـا
لوانهـا مكـانـي ماسوتـهـا
...
لكـن اعـز عيالهـا سواهـا
"يالدووود" شفها ذابلـة جنبهـا
...
انا ولدهـا وحاضـر وافداهـا
قطعني هاك اللي تبي من جسمي
...
بس الكريمة لاتجـي بحذاهـا
ووصيك امانه قل لها تعذرنـي
...
وتكفى تروح تحب لي ماطاهـا
ابيها تغفر لـي مثـل ماكانـت
...
كل خمله مني بطيبهـا ترفاهـا
يالله عساهـا بالنعيـم الخالـد
...
وعساها في جنة عدن سكناهـا
يافضي هذا الكون ياهو خالـي
...
ياضيق هذي الدنيـا يامقساهـا
يامُـر طعـم فراقهـا يامُـره
...
ماني مصدق ارجع وماألقاهـا
وشلون اجي غرفتها ماهي فيها
...
وش عذري لسبحتها ومصلاها
وش اقول انا لدولابها وشنطتها
...
واذاسألنـي مشطهـا وحناهـا
وعباتها ومي زمزم ومصحفهـا
...
والمبخرة ورشوشهـا ودواهـا
الكـل فـي غرفتهـا متفقدهـا
...
حتى الجدار متفطـر ويرجاهـا
الكـل يبكيهـا مهـو ناسيهـا
...
يالله صبرني وشلـون انساهـا
ياليتهـا ماراحـت وخلتـنـي
...
او"وسعت لي بالقبـر وياهـاااا",,,

***********


حاولت ان اضع القصيده بصوته ولكنها غير موجوده فوضعتها

فديو للشاعر وهو يلقيها ..



http://uk.youtube.com/watch?v=XQa9GSpGMbs

[ناصر بن سعدي]

إختي

غلا ,,

لاهنتي على النقل الحزين المؤثر والرائع ,,


ورحم الله جميع أموات المسلمين ,,


وتقبلي تحياتي ,,

[عادل العصيمي]

الاخت غلا

لاهنتي على المشاركة

بن عجلان

[الرومنسي]

لاهنتي على النقل الحزين المؤثر والرائع ,,


ورحم الله جميع أموات المسلمين

[@ عيون أمها @]

لاهنتي ع النقل المميز مشكوووره

[فديت عتيبه]

مشكووورة غلاا على النقل

والله يرحمهاا ويرحم موتى المسلمين

[أحـمـد الـروقـي]

غلا العتيبي < صح لسااااااااانج :: مشكووووووووره لاهنتي

[سعود المطيري]

سلمتي يالحره على نقل المرثيه المؤلمه
رحم الله الفقيده وامهات المسلمين اجمع

لااهنتي ياغلا وبارك الله فيك

[بلسم الجروح]

غلا العتيبي

سلمتي ورحم الله أمواات المسلمين

وصح لساان الشمري

[غلا العتيبي]

.. مشكورين على مروركم ..


.. وصح الله بدنكم . عني وعنه ...