&& مــزايـــن الـــهـــيــلا &&

[مسافر بدري]

[align=center][/align]



[align=center][align=center]من جبل ورقان جينا مسايير
لمزاين الهيلا نسج المطايا

اللابه اللي تنطح الضد وتغير
يشهد لهم تاريخ ماهي حكايا

روق وبرقا يتعبون الطوابير
لطامة العايل بسيف المنايا

لزمه زيارتنا شيوخ المناعير
اللي مجالسهم تزيدك مزايا

تلقي مع الترحيب شيمه وتقدير
ودلال من بن الهراري ملايا

والعود الأزرق ينطحك له معاصير
وصينية تشبع شعوب قوايا

في مجلس ابن حميد ريف المسايير
يفرح ليا شاف النجايب ضوايا

وإلا على إبن عمر صرنا خطاطير
يكرم محيانا عقيد السرايا

وإلاإبن عصاى شيخ المسافير
الدلبحي ياقف مواقف بلايا

يشهر مع العليا كما شهرة الطير
ماقال مالي بالمواقف عطايا

وإلا على إبن وديد سقنا المواتير
بمخيم يشبه جبال رسايا

شيخ يهلي بالضيوف المسايير
من شيمته كن الضيوف الدنايا

والله ماجينا سوى لتباشير
والتهنيه ومشاركه في قضايا

من شاعر حربي يجيد التعابير
ياقف مواقف يعتبرها هدايا

وصلاة ربي عد نبت النواوير
على محمد سيد كل البرايا[/align][/align]

[align=center]اهداء من الشاعر :: سند بن مازن بن دهيسان المعمري الحربي[/align]

[روقي قرم]

صح لسانك يالحربي

ماهيب غريبه عليكم

شرفت منتدانا يالغالي

دمت بعافيه

اخووك
روقي

[إبن ثعلي]

لاهنت يامسافر بدري على نقل هذه القصيدة وصح السان الشاعر سند الحربي
تحياتي

[ناصر بن سعدي]

إخوي الغالي


مسافر بدري..


نسعد بحضورك الرائع ,,

ونقلك المميز ,,


وبيض الله وجهك على النقل الإبداعي ,,


وماعلى حرب زود وبيض الله وجيههم هم وشاعرهم,,

سند بن مازن بن دهيسان المعمري الحربي


ودمت بخيــــر وننتظر مالديك من إبداع ياغالي ,,