قصيدة مؤثره جدا"

[عتيبيه>من قدّي؟]

[align=center][align=center]هذي قصيده كنت ابحث عنها من زمان

واقدر اقول لكم انها القصيده اللي تخلى القلب يبكي ..

هذي هي القصه والقصيده ..

كان الشاعر يحب فتاة في دياره ، وماقسم الله بينهم نصيب وتزوجت البنت

من واحد ثاني وسافرت وكان

الشاعر يحبها حب خيالي

وبعد ثمان سنوات كان الشاعر يعمل مدرسا وجاءه نقل اجباري لمنطقه بعيدة




و يوم داوم اول يوم

في المدرسه وكانت ابتدائي شاف بين الاطفال طفل غريب يحس بشي يجذبه له ،

ويوم ابتسم الطفل ناداه المدرس وقال له

من انت ولده ؟ قال له انا ولد فلان ، قال له :انت امك فلانه ؟ قال الطفل :ايه

سكت المدرس وكتب القصيدة ، ومن بكره عطاها الطفل وقاله عطها امك:-





مرت ثمان سنين حل(ن) وترحـال
.................... ثمـان مرت كلهـا مدلهمـه
قضيتهـا بالشـوق والحـب رحـال
...................بشوق (ن) تحدى كل ياسه وهمـه
سألت عنها سنين وشهـور وليـال
....................ولا فيه فج (ن) غير وجهـت يمـه
وعقب الثمان اللي تعبها برى الحـال
.....................جـاب الزمـان الكارثـه والمطمـه
جاني ولدها مبتسـم بيـن الأطفـال
..................ومن بسمته ذكرت أنا بسمـة أمـه
شفته وصاحت داخلي كـل الآمـال
...............بصوت (ن) عجزت بكتم الأنفاس ألمّه
وركضت له دمعي على الخد همـال
.................ومن كثرشوقي قمت بالحيل أضمـه
ولحظة حضنته والطفل في يديمال
....................شميت ريحتها علـى أطـراف كمـه
وإستلهمت نفسي مقاديـم الأهـوال
....................وتم الضيـاع وأكـدت لـي متمـه
ليت الغياب اللي شغل غربتـي طـال
...................ولا دوّر العاشق على حـرق دمـه
اليوم بنت الناس فـي بيـت رجـال
..............وحب (ن) على غير الشرف لي مذمه
مجبور أعوّد وأشتكي لكـل الأميـال
...............بنفس (ن) حزينه كائبـه مستهمـه
برجع غريب (ن) سكته بـر ورمـال
................يموت .. يحيى .. يندفن .. مايهمـه

منقوووول؛؛[/align][/align]

[ماجد بن هلال]

[align=center]يعطيك ألف عافيه

قصيدهـ رائعه وحزينه في نفس الوقت

أعتقد أنّ شاعرها هو / نــــاصر الفـــــهيد

تقبّلي مروري[/align]

[عتيبيه>من قدّي؟]

المشاركة الأصلية كتبت بواسطة ماجد بن هلال [align=center]يعطيك ألف عافيه قصيدهـ رائعه وحزينه في نفس الوقت أعتقد أنّ شاعرها هو / نــــاصر الفـــــهيد تقبّلي مروري[/align]

والله مدري هو ناصر وإلا ابو بس اهم شي الكلمات تضرب في الصميم

شاكره لك مرورك اخوي

[دنيا الوله]

يعطيك العافيه ياقلبي

قصيدة قمة الرووعه

يسلم ذوووووووووقك

[عتيبيه>من قدّي؟]

المشاركة الأصلية كتبت بواسطة دنيا الوله يعطيك العافيه ياقلبي قصيدة قمة الرووعه يسلم ذوووووووووقك

الله يعافيكيتس
انا داريه إنها قمه في الروعه<<<إسكتي إسكتي لا يكسحونك بس

تسلمين ذا من زوئك ياوخيتي<<مايصلح صح هههههه
تسلمين ياعيوني

[ރالزيــاديރ]

عتيبية ومين قدك,,,

يعطيك العافية على القصيدة الجميلة وتسلمين على روعة أختيارك...

تحياتي لك..

[عتيبيه>من قدّي؟]

المشاركة الأصلية كتبت بواسطة بدر سعد الزيادي عتيبية ومين قدك,,, يعطيك العافية على القصيدة الجميلة وتسلمين على روعة أختيارك... تحياتي لك..

الله يعافيك واسعدني مرورك

[ريومه العصيمي]

الله يعافيتس ياوخيتي قصيدتن حلوه وتحزن:D

من اليوم وانا قاعده ابتسي :p

][®][^][®][تحياتي ريومه][®][^][®][;)

[عتيبيه>من قدّي؟]

المشاركة الأصلية كتبت بواسطة ريومه العصيمي الله يعافيتس ياوخيتي قصيدتن حلوه وتحزن:D من اليوم وانا قاعده ابتسي :p ][®][^][®][تحياتي ريومه][®][^][®][;)

ههههههههههههههههههههههههه
صدز<<صدق بس ما عرفت اكتبها
من اليوم وانتي تبتسين
ياتسبدي عنتس
بس والله إن ردك ضحكني الله يسعدك

[مشاعر حالمه]

عتيبيه من قدّج

اختيار جميل منج وكان الله في عونه وصح السان الشاعر

تحيتي لج / مشاعر حالمه