اللغز السهل . حلوه ياشعراء المنتدى .

[الأديب]

هذ اللغز نزلته بالخطاء في موقع او قسم المحاوره المنقوله وبعد مااكتشفت الخطاء قلت انقله هنا .




انشدك عن من يستحيل انا نراه=كنا نراه وسـد عينـه سيـده
من يشتمه ياثم وياثم من هجاه=واللي ذكره بخيـر لازم نيـده
يموت مايبقـى وهـذا منتهـاه=سبحان ربـي سيـره ومقيـده



تحياتي للجميع .

[ابن مسلم]

الاديب

صح لسانك
انا مانيب جيد في حل الالغاز لاكن عندي رمعه

ان كان حله ماهوب

( الدهر او الوقت بالاصح )


وشكراًلك

[الأديب]

للأسف الاجابه غير صحيحه اخوي ابن مسلم

يمكنك المحاوله مره اخرى .



ومازلنا ننتضر ...........................................

[شاعر روق]

مشكور يالاديب على اللغز الجميل
ومكان اللغز هنا
لان الالغاز المنقوله تكون مع المحاورات المنقوله
اما الالغاز اللتي هي من تاليف الشاعر فمكانها محاورات شعار المنتدى

تقديري ولي عود بعد التفكير

[لافي الصيده]

اخوي الاديب


بعد التحية
في االحقيقة انا ماني بجيد في حل اللاغاز ولكن لي بعض المحاولات اتمنا ان تكون هاذي المحاوله موفقه
حل اللغز والله العالم ماني قائل 99% بل اقول 100%
الحل (ملك الموت)

وتقبل تحياتي

[الطوفان]

الاديب

مشكور ولو اني مالي فى الالغاز

ولكن انا اويد حل الصيده

تحياتي

[لافي الصيده]

الاديب




طرحت لغزك ورمعناه لنا اكثرمن شهر مارديت علينا
ماندري هل الرمعه صحيح واللاخطاء اللي نعرفه دائماً
اللي يطرح لغز يتابع الرمعات ويكون متواصل مع الموضوع
حتى لايصبح ضمن الملفات المهمله
اخوي تقبل عتابي وخل صدرك وسيع ودمت بالف خير








تحيات اخوك

[الأديب]

ههههههههههههههه

السلام عليكم ورحمة الله وبركاته

اخواني اعذروني على الأنقطاع الحقيقه اللغز تغير مكان اللي انا حاطه فيه انا حطيته في قسم ولا لقيته قلت اكيد حذف ونسيته
والحين جاي اتصفح ولقيته ولقيت المحاولات .

لا كن سامحوني والله اني ناوي اتابعه .


بالنسبه للحل / هو حل اخوي / لافي الصيده

وسامحني اخوي لافي لانه مثل ماقلت ضيعت لغزي مدري وين راح


بالنسبه للغز من تاليفي . ولا فيه فرق بين الالغاز اللي من تاليف الشاعر او جايبه منقول . بس الفرق انه يذكر نقله وبس احسن من ان نشيل ونحط من المواضيع .


تقبلوا عذري