== الميـت الـحــــي ==

[بدران]

[poem=font="Simplified Arabic,5,silver,bold,italic" bkcolor="transparent" bkimage="../backgrounds/26.gif" border="double,4,gray" type=2 line=0 align=center use=ex num="0,black"]


ما ودي إنك تعشقيني وانا ميت=ولا ودي إنك تدفنيني وأنا حي

يكفيني إني من زماني تكويت=لا لا تزيدي يالغلا موجع الكي

يابنت أنا من كذب الايام مليت=لا شمس تاصلني ولا بارد الفي

أنا سجين الهم عشت وتسميت=ياسي تمرد والصبر عندي شوي

خان الزمن عهدي وانا بعهده اوفيت=عايش غريب الدار في دنيتي ذي

بي طعنة لو طاولتني توفيت=وصدري يصوغ النار من ضيقةٍ بي

والله معك لاصرت عني تخليت=لاني جسد. . والروح ماعادها لي

وابعتذر كاني بظرفي تماديت=وابعترف ماعاد عندي ولاشي

ولا تسأليني كيف عايش وانا ميت=ماقد سمعتي قالو (الميت..الحي)

هذا انا. . وازيدك من الشعر بيت=عمر العمى ماشاف لو ولع الضي



الشاعر / رعد بن عبد الله

[/poem]

[align=center]منقول[/align]
[align=center]
أول إطلالة معكم
كل الأماني بأن أوفق بطرح ما ينال رضاكم واستحسانكم وذوقكم
مع أطيب التحايا

محبكم
بدران[/align]

[عذوبة نجد]

ولا تسأليني كيف عايش وانا ميـت
ماقد سمعتي قالـو (الميت..الحـي)
هذا انا. . وازيدك من الشعر بيـت
عمر العمى ماشاف لو ولع الضـي


نقل رائع ..وقصيده جميله ..

تحياتي..

عــــــــذوب

[عتيبيه]

[align=center]بدران [/align]

[روح الغلا]

[align=center]والله معك لاصرت عنـي تخليـت
لاني جسد. . والروح ماعادها لـي
وابعتذر كانـي بظرفـي تماديـت
وابعترف ماعـاد عنـدي ولاشـي



صح السانك اخوي بدران

ولاهنت


تحياتي لك[/align]

[مستر عتيبي]

مشكور أخوي بدران على النقل الرائع
مع تحياتي

[حسام هوازن]

اخوي بدران

مشكور ولاهنت على القصيدة الجزلة

دمت بخير

[النـايــــــف]

صح لسانك اخوي بدران

وصح لسان شاعرها

وبيض الله وجهك يا الغالي


تحياتي لك ،،،

[محمد العتيبي]

بدران
لاهنت على النقل الرائع

تحياتي لك