{ غـــر الـسـحـاب }

[فهد السميرى]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
آه واجـرح قلبـي واعـنـاه = ثم بعد يا وجـودي بالوجـود
كل ما بان نجـمٍ فـي سمـاه = قام همـي وغربالـي يـزود
من يلوم الغريب اللي كـواه = ميسم البعـد والايـام سـود
عل غر السحاب يصب مـاه = فوق ذيك المسائـل والنفـود
دار من تل قلبي فـي هـواه = تلـةٍ قطعـت كـل القـيـود
صاحبٍ لاهـرج حلـوٍ نبـاه = مابعد شفت مثلـه بالوجـود
يوم اوصف كلامه من حـلاه = كل ما قـام يبديلـي سـدود
مثل نقع المطر فوق الصفـاه = من سحابٍ يزلزل بالرعـود
فاض ثم فاض ثم فاض وملاه = وبل مزنٍ من المنشـى يقـود
اشهد انه كلامـاً لـه طـراه = مابعد قال (يس) وقلت قـود
وان تذكرت بعده مـن غـلاه = طال سهري وصحيت الرقود
صاحبي والزمن يدرج رحـاه = عل ساعة فراقك مـا تعـود
المقاديـر مـا منهـا نجـاه = والصوادر بعـد بكـره ورود
وكـل شيـاً وحـده منتهـاه = صح غير الأمل ماله حـدود
والله انـي خبيـرٍ بالحـيـاه = والدلايل على قولـي شهـود
اعرف السيف لو هو في خباه = واكتشف كل مختـالاً شـرود
الله اللي عطا واجزل عطـاه = ما عطوني ضعيفين الزنـود
الرفيق النزيه اكسب رضـاه = واكسر العود في عين الحسود

.
=مـحـمـدالـسـمـيــري [/poem]

[بلسم الجروح]

أخي فهد سلمت يمينك و صح لساااان محمد مليار ولا يكفون...

والله انـي خبيـرٍ بالحـيـاه=والدلايل على قولـي شهـود
اعرف السيف لو هو في خباه=واكتشف كل مختـالاً شـرود
الله اللي عطا واجزل عطـاه=ما عطوني ضعيفين الزنـود
الرفيق النزيه اكسب رضـاه=واكسر العود في عين الحسود


تقبل مروري المتواضع

أختك

بلسم الجروح

[محمد العتيبي]

شكرا لك يافهد السميري على النقل الرائع وصح لسان الشاعرمحمد السميري

[فهد السميرى]

اختى بلسم الجروح شكرا ترليون على مرورك

وسلـــــــمتى والله يعطيك العافيه وصـــح بــــــــدنك




الرفيق النزيه اكسب رضـاه = واكسر العود في عين الحسود

[فهد السميرى]

اخوى محمد مشكور على مرورك الغالى والله يسلمك
ومــــــــــــــرورك يابو حــــــــــميد وسام على صدرى وعينى

[بدر الروقي]

صح السان قايلها ولاهنت على نقلها يالغالي


تحياتي لك


ابــن روق

[غصون]

صح لسان شاعرها وتسلم علي النقل الجزل اخوي

[فهد السميرى]

وديان مشكوره على المرور

[النـايــــــف]

صح لسانك اخوي فهد السميري

وصح لسان الشاعر محمد السميري

وبيض الله وجهك يا الغالي

على هذا الاختيار الرائع

تحياتي لك ،،،،

[فهد السميرى]

المشاركة الأصلية كتبت بواسطة النـايــــــف صح لسانك اخوي فهد السميري وصح لسان الشاعر محمد السميري وبيض الله وجهك يا الغالي على هذا الاختيار الرائع تحياتي لك ،،،،

اخوى النايف تسلم والله لايهينك على مرورك