ياهاجري من دون سبه وتوضيـح

[برقاوي هواوي]

وينك ترى حنـا ببعـدك مجاريـح
يالي غرامك قد سبى مني الـروح


أنت الذي لاشك من غير تصريـح
فارقت قلبي ليه تترك بـه اقـروح


ياهاجري من دون سبه وتوضيـح
مادري علامك يالغضي عني اتروح


طاوعت عذالي وراعـي التباريـح
الي يحرّف كـل كلمـه ومشفـوح


زين لك الشينـه بمكـره وتقديـح
وانت اتبعته والعتب غير مسمـوح


صدقت من غشك وجا لك بتلميـح
ياعطر بين الزهر متميـز الفـوح


اذكرك في فرضي وعقب التراويح
واليا نويت النوم جاء طيفك ايلـوح


قدام عينـي صورتـك دون تنقيـح
كنك بجنبي مانقصها سوى البـوح


زهر الخزامى منك غيران والشيح
والفل والريحان والـورد بالـدوح


انت الموسيقى عذبهـا والتواشيـح
فارقتني يازين من غيـر مصلـوح


الله بلاني فيـك يامشابـه الريـح
هذا المقدر قد كتب لي فـي اللـوح


والله لولا العيب والعـذل لاصيـح
باسمك واصير اليوم بالحب مفضوح


ان كنت تشعر بالهوى قبل ماطيـح
اسعف محبٍ تايـه الفكرمجـروح


والا فعقب الموت طالـب بتشريـح
تلقى حروف اسمك وذكراك والنوح







[align=center]شعر / فلاح بن منشار[/align]

[عطيب عتيبه]

صح لساااااااااااانك يعطيك العافيه

[اخو من طاع الله]

صح لسانك يا مشرفنا الرائع عبدالرحمن النفيعي واختيار رائع

[فهد السميرى]

[frame="7 80"] بيض الله وجهك (يلى خواطرنا بشوفك تطيب[/frame]

[محمد العتيبي]

صح لسانك ولسان الشاعر فلاح بن منشار ولاهنت

تحياتي

[البرواز]

ان كنت تشعر بالهوى قبل ماطيـح
اسعف محبٍ تايـه الفكرمجـروح


والا فعقب الموت طالـب بتشريـح
تلقى حروف اسمك وذكراك والنوح


تسلم اخوي على النقل الطيب


تقبل تحياتي

[النـايــــــف]

صح لسانك اخوي عبدالرحمن النفيعي

وصح لسان الشاعر فلاح بن منشار

وبيض الله وجهك يا الغالي

على هذا الاختيار الرائع

تحياتي لك ،،،،

[إبن ثعلي]

مشكور ياعبد الرحمن على حسن الاختيار
تحياتي

[برقاوي هواوي]

الله يعافيك أخوي عطيب عتيبة

[برقاوي هواوي]

وصح بدنك يا نور المنتدى وتسلم على المرور الرااااااااااااااائع