في سجدتي هانت علي المصايب

[عطيب عتيبه]

[align=center]الله يا وقت الشقا ويـش سويـت

حديتني لـلاش والـلاش خايـب

حديتني وانا الـذي مـا ترجيـت

غير العظيم اللي يسوق السحايب

الواحد اللي عالمٍ كل ما اخفيـت

اللي يغفْر ذنوب من جـاه تايـب

متوكلٍ به خالقـي حافـظ البيـت

ولاّ البشر تفنى شبـابٍ وشايـب

يا وقت لو جارت لياليك ما انحيت

راسي وانا خشمي يشم الهبايـب

أشيل حملـي للثقيـلات شليـت

وأقوم بحمولـي قيـام الركايـب

وأعز نفسي والردي كنّه الميـت

وش نفعته لا جا نهـار النشايـب

يا كثر خلاّن الرخا كـان عديـت

ما فيهم اللـي يرتكـي للنوايـب

يا وقت يا وقت الشقا لو تماديـت

مالي جدا غير الصبر والطلايـب

قال المثل تاتي قصيدة ولو بيـت

يا وقت أخذ البيت قبل النصايـب

لا ضاقت الدنيا علي قمت صليت

في سجدتي هانت علي المصايب[/align]

[مخاوي النشامى]

صح لسانك اخوي عطيب عتيبه
لكن لدي سؤال ارجو الإجابة عليه؟
هل القصيدة لكـ؟

[عطيب عتيبه]

تسلم ولاكن القصيده غير صحيح انها لي ...

[الشــــيبانــي]

صح لسانك اخوي عطيب عتيبه

[العريدي11]

صح لسانك والله لا يهينك

[الناعمه]

لا ضاقت الدنيا علي قمت صليت

في سجدتي هانت علي المصايب

اخوى عطيب عتيبه الله يعطيك العافيه على نقل القصيده المعبره فى معانيها

[عطيب عتيبه]

اشكرك اختي الناعمه على مرورك

[برقاوي هواوي]

صـح لسانك اخوي عطيب عتيبة والله يعطيك العافية

[النـايــــــف]

صح لسانك اخوي عطيب عتيبه

وصح لسان شاعرها

وبيض الله وجهك يا الغالي

على هذا الاختيار الرائع

تحياتي لك ،،،،