علوم البدو

[سندريلا عتيبه]

علوم البدو ياناس اعتلت كل العــــلـــوم 00 من بداية عـلومهم لين نهايتها ســـــــلام
ماهو مثل بعض البشــر ردييـن ورخـوم 00 ماينشره عليهم ولاعلى الرخمه مــــــلام
عاشرتهم و من افعالهــم قويين العـزوم 00 ماعندهم قيل وقال كلامهم خير الكــــــلام
كـل بدوي عن السب والشتم محــشـــوم 00 ولايمدحون بدوي الا الرياجيل الحشــــام
طاعـة الله ورسوله محمد مكلف وملزوم 00 وكـل بدوي تمنى بالطاعة يكــون امــــام
البدو تاج الاصاله شي معروف ومجزوم 00 من بيت الشعر اطلقو من الخير السهــام
الحسد والكره والكذب من بينهم مــعدوم 00 رجالهم مـن الهيبه توسدوا ريش النعــام
الشهامه ابتداء بالعتبان وانتهاء بالبقوم 00 من رســـم حياتهم احتارت لوحـة الرسـام
بنت البدو وجه الخير والفعل الســلــــوم 00 مـاتـــعرف بنطلون لابتوب مسـكره زمـام
وش رايكـم بقصــيدتي وعلى العـــمــوم 00 صـــلــو على النبي الامــــيــن عند الختام



هذه القصيده بناء على طلب ابوي الله يطول بعمره كان اول من أيدني
بالشعر

[إبن ثعلي]

بنتوتة عتيبه محاوله جيده من ناحية الفكره ولكن تحتاج لاعادة صياغه للوزن والايقاع فمثلا القصيدة الجيده لازم تكون مغناه ويمكن تلاحظين كيف تغير وزن البيتين اللذين عدلتهم لك ادناه

شف علوم البدو فاقت على كل العــــلـــوم 00 من بدايتها ليا منتهاها يا ســـــــلام
حظهم عالي ولاهم ردييـن ورخـوم 00 يوم بعض الناس رخمه ولا يلحق مــــــلام
من يعاشرهم يعاشر قويين العـزوم 00 وفي مجالسهم ماتسمع سوى خير الكــــــلام
كـل واحدهم عن السب والشتم محــشـــوم 00 ويمدحون الرجل منهم رياجيل احشــــام
تحياتي

[دلوعة عتيبه]

مشكوره على القصيده

بدايه موفقه

ننتظر جديدك

وتسلمين ...

[عبدالله المرشدي]

بنوته عتيبه


صح لسانك

واستمري

وهذي افضل من اللي قبلها

[ابن مسلم]

[align=center]بنوتة عتيبه

صح لسانك

بدايه جيده و موفقه إن شاء الله

والموضوع ممتاز

ولاأحب أن أزيد على ما كتبوه الأساتذه أبن ثعلي وعبدالله المرشدي

فهؤلاء بدون مبالغه أعتبرهم مدرسة شعريه في هذا المنتدى والجميع
فيهم بركه وأحب أقول لك
من جدوجدومن سارعلى الدرب وصل


لك تقديري[/align]

[}{مفارق ضنين}{]

ما شالله عليك

استمري وانا اشهد انك بتغطين على نجاح المسيعيد

[ابن مرشد]

صح لسانك وبداية موفقة ان شاء الله