بسم الله الرحمن الرحيم
السلام عليكم ورحمة الله وبركاته
محاوره رائعه بين الشاعر مطلق الثبيتي رحمه الله وحبيب العازمي
حبيب العازمي
زاد الكلام وزادت الصفيـن
................................... من شاف راع السيل من شافه
بيني وبينـه سلـت السكيـن
................................... ما فيه لارحمـه ولا رافـه
مطلق الثبيتـي
لو تلتبس لك بينهم بشتيـن
..................................... البحر ما ينقصه غرافـه
بالهون ياركان أبو حثليـن
.................................. اللي عشق دبر العناء عافه
حبيب العازمي
الشرع يحكم والشهود اثنين
....................................... وغير الثنين اثنيـن حلافـه
ورآك يا مطلق تلـد العيـن
................................. وش شفت قدم الذيب وخلافه
مطلق الثبيتـي
مالك ورآنا يا حبيـب ديـن
.............................. والشرع ثابت فـوق ميقافـه
ما شفت قدم الذيب غير الزين
.............................. واللي يطرف فالخـلا حافـه
حبيب العازمي
خليت الاردن يالشريف حسين
................................ والخوف في جوفه وفطرافه
سلم العرب وقت القسى والين
............................... كلً عـلاه ايضفـي الحافـه
مطلق الثبيتـي
الله ياحسبي على الاثنيـن
..................................... كلً يصج السمع غطرافـه
الموتر اللي صانعه فالصين
.................................. أعمى عيون الناس كشافـه
حبيب العازمي
الله دعى فالوعل أبو قرنين
.................................عود يدف الضلـع بكتافـه
لكن جاي من أين رايح وين
................................. ياسرع ميقافـه ومحرافـه
مطلق الثبيتـي
اجناه ابو نخله وابوسيفين
.............................معاد اله فالسوق صرافه
ترى الثبيتي ياغراب البين
.............................معروف مرباعه ومصيافه
حبيب العازمي
الظاهر ان صرافته مقفين
...........................هفت بهم مع راس مهيافه
اصبر شويه والعلوم اتزين
........................... .يالافه انته قدمـك الافـه
مطلق الثبيتـي
بعض العرب فيهم طباعن شين
........................... اعصيهـم للقـطـن نتـافـه
الشيخ مـن لايتبـع المقفيـن
......................... كلن يرجـع فوقـه أسلافـه
حبيب العازمي
مهوب منا من هل الضلعين
............................ اللي تعرف القطن وأصنافه
بالله لاتاكل علـى الحييـن
......................... ... خل الهلال يوقف إسعافـه
اتمنى انها تحوز على رضاكم
دمتم في حفظ الله
| 
|
08-08-2007, 03:42 PM
المواضيع المتشابهه
العرض المتطور
