اهداء للشيخ /حامد عوض الجابري الحربي شيخ كريم وشهم وصديق عزيز تربطني فيه علاقه طيبه يستحق المدح فتوجب علي مدحه آمل ان اكون وفيت له بعض مزاياه
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
راكب اللي لاسـرى ثلثيـن ليلـه=دق سلفه سايقـه قبـل الصباحـي
من ربوع الناصفه يصهل صهيلـه=سرّحه ماقـال ابـا كمـل مراحـي
يذكر المشـوار وخطـوطٍ طويلـه=خـطٍ مزفلـت وشعبـان وبراحـي
فـي بدايـة جرتـه تلقـى نثيلـه=يوم عشّق له وطنـب بالصياحـي
مثل صيحة مالقـت مـن تنتخيلـه=في نحور القوم مرويـن الرماحـي
جيب لكـزس تـو مـاورّد مديلـه=فل كامـل مانـزل منّـه سياحـي
تـوه ممـرن عقـب باعـه وكيله=ماتعـرض للغـبـار وللريـاحـي
منوة اللي سالـبٍ عقلـه خليلـه=مبعـدٍ عنـّه وقلبـه ماستراحـي
كن وجهه وجـه نقـاض الجديلـه=بنت شيخ القوم راعية الوشاحـي
داخل الطبلـون لوحـه مستطيلـه=مثل شاشة بنك تعـرض مايتاحـي
تخبر اللي قدمها وشهـو حصيلـه=تخبره عن حال سهمه كان طاحـي
كـن قيـره راس افعـا مستشيلـه=مالـيٍ كفـه يعشـق برتيـاحـي
داخليـه يشفـي النفـس العليلـه=كل شيٍ فيـه يعطيـك انشراحـي
المراتـب ريّحـه للـي تشيـلـه=خص للشياب مـن كـل النواحـي
ابيضٍ لونـه مثـل خـد الجميلـه=الغزال اللي عليهـا السـد باحـي
ماعليه خطوط فـي جنبـه دليلـه=ناصعٍ يلمـع وبركونـه صفاحـي
لاوقـف كـن المواتـر تنحنيـلـه=شيخ قوم في نهار الحرب صاحـي
هيبتـه هيبـة كريميـن الفضيلـه=كنـه الشيـخ الموكـل بالنكاحـي
رزتـه رزة هـنـوفٍ مستميـلـه=طبت الملعب وقالت مـن يناحـي
مهرة صفرا من المهـر الاصيلـه=خدها برقٍٍ بمزن الصيـف لاحـي
سايقـه لا راح فـي دربٍٍ دليـلـه=ما تهمـه لا سهـول ولابطاحـي
شق وسط العاصمه باسرع وسيله=مع صلاة الفجر صلى ثمّ راحي
يم حرٍ مامشـى درب الرذيلـه=دايما يمشي علـى درب الصلاحـي
قرمٍ لحالـه يسـاوي لـه قبيلـه=في مقر الطيب يثبـت مايزاحـي
من قبيلة حرب راعين الطويله= جابريٍ فوق هام السحب شاحي
صيرميٍ يعبدالله يرتجي له=حافلٍ بالجود نـبـاعٍ قـراحـي
حاتمـيٍ بالعطـا يعـط الجزيلـه=مايدور من ورا ماعطـى رباحـي
راعي الفزعات في عصره وجيله=حامد الحربي لمن يطلب ايضاحي
باب قصـره فاتحـه للـي يجيلـه=عنده الخطـار تبشـر بالمراحـي
مجلسه لاجيـت نفسـك تهتويلـه=وانت عند الباب ريح الطيب فاحـي
حق ضيفانـه يقـدم روس حيلـه=مايحـط الا عريضـات الفطاحـي
والدلال الصفر كيـفٍ ينعنـي لـه=مع جديد الشعر وعلـوم ومزاحـي
ماتكدر خاطر اللي يعتزيله=يتعبر همه من الخفاق ماحي
وصله مني سلامٍ يستويله=وقل على التقصير نطلبك السماحي
يستحق المدح مـن حـاز النفيلـه=واشهد انـك تستحقـه بارتياحي[/poem]
ملاحظه
الناصفه /قريتنا تبعد عن الرياض قرابة خمسمية كيلو تقع جنوب عفيف
| 
|
08-30-2007, 04:57 PM
المواضيع المتشابهه
العرض المتطور
