يا عبيد هات النجر وأدني المعاميل ...

[اخو من طاع الله]

عبيد هات النجر وأدني المعاميل = ابن الاكرام اللي دلاله حشمها

الدله اللي ما بها البن والهيل = مثل العجوز اللي خبيث نسمها

درغام بهرها يا درغام الليل = ويا خوي زيد بهارها من عدمها

افرح أليا جوني فحول الرجاجيل = وامطر عليهم فايض من كرمها

وعزي إليا جاء البيت سربت محاويل = الصبح يوم البدو تطلق بهمها

احمس واهلي بين هجس وغرابيل = واسكب عليهم والزعفران بفمها

يا دلتي طابت معاكي التعاليل= بين الشيوخ اللي ثقيل زخمها

بالمجلس اللي ما بها القال والقيل = والمسعد اللي لرضوعه خدمها

يا محلى جمعتنا والتعاليل = وجماعة ربك على الخير لمها

تلقى بهم يوم الملاقى التهاويل = لو العدى ميتين فارس قحمها

و إليا اعتلوا من فوق سرد من الخيل= تفرح بها خيالها لنهمها

لعيون زينات البنات الهلاهيل =وجاء ينتخي كرمال أبوها وعمها

يا عبيد هات النجر وأدني المعاميل = ابن الاكرام اللي دلاله حشمها

[خالـد]

الله الله عليك تسلم والله يالغالي على الاختيار الرائع



تقبل تحياتي لك

[عزام الوسمي]

مشكووووور يالحافي على هالقصيدة الرائعة <<<

بس ما علمتنا منهو شاعرها <<<<<

تحياتي واحترامي لك <<<

[طالع]

صح لسانك ياعبدالله ولسان شاعرها عطنا الثانيه وقرب الربابه

[اخو من طاع الله]

هههههههه
راعي طرب انت يا طالع وربابه
بس بشرط انت تدق على الربابه
هههههههههههه