لاتبكين جعل الله يبكيّ من يبكيك ،،

[حاشره بليس بكيس]

..
لاتبكين جعل الله ../ يبكيّ من يبكيك
دموعك سبب حزني وهمي وغربالي

ذبحتيني بنبرة حنينك وانا احـاكيك
تقولين ماكـنك ../ تمرين فـ بالي

وانا من كثرماغليك ماني بطاوع فيك
يموتون .. ماوصلو لـ/طاريك عذالي

احبّك ولا فكرّت .. فـ/ ساعه اخليك
وانا داري اني عندك اغلا من الغالي

مايحتاج ابرر لك../ مايخفيه لك مغليك
شواهد اقلوب البث من طيب الأرسالي

ركـايز محبتنا ماتبنى .. ع/ التشكيك
ماهي من ركايز ../ مجتمع وقتنا الحالي

( تراعيني بعينك وانا بعيني اراعيك
وتقولين هذا لي .. وانا اقول هذا لي )

وتجيني تزفين اصدق العشق وانا اجيك
من اقصاي ../ ماكنيّ بأحاسب ولا أبالي

عماوي هوى ../ ماله مقدّي وبوش بريك
تخالف امبيراته ../ سبب ضغطه العالـي

مافي نبض فـ/ قلبه ماينبض ع/ طاريك
تقول انّه مبرمج .. ع/ ارسال جـوّالي

وتقولين وينك فيه ../ واقول مستنيك
ع/ اول ضفاف .. الحلـم يأخر أمالي

واقابلك والعن كوثر ../ البعد واحييك
والومك وانا ماني.. بلومك ع/الخالـي

واطوّف خطاك وسامح الله ترف يديك
تنسيني الاول قبل ../ لا أذكـر التالي

وانا أنسان والأنسان مابين ذيك وذيك
مايدري ../ يجيب العـيد والا يورالي

يضيع البنا ادم بين فديتك ولبـيك
ومما تيسّر من ذوي يابـري حالي

ياحلو الكلام الليّ ../ يحرّك مافي خافيك
يترجم لك الحالي .. من السانه الحالي

ولا احلا من الحالي سوى جمرتينه تيك
تغربلك همستها ../ جعل مالها والـي

اكابر بعض الامرار ../ ماكني اداريـك
وانا ادرى عليك امن الهوى كل مامالي

علي نذر كان الله محييني ومحييك
مابـدّل بزولك .. يابعد كل الأزوالي


وسلآمتكم

[وجودك يكفي]

صح لسان شاعرها ولاهنتي ياريم على النقل الرائع


احترامي

[تباريح الروقي]

علي نذر كان الله محييني ومحييك
مابـدّل بزولك .. يابعد كل الأزوالي

\
ااااااااااااااالله الله,,,,,,,,,صح ذوووقك يالريم,,, وصح لسان الشاعر...بوووح

جباااااااااااااار,,,,,تقبلي مروري يالغلا,,,دومتي بسعاده دائمه

[حاشره بليس بكيس]

المشاركة الأصلية كتبت بواسطة وجودك يكفي صح لسان شاعرها ولاهنتي ياريم على النقل الرائع احترامي

صح بدنك <بالنيابه
وأنت لاعدمت هالطله

[حاشره بليس بكيس]

المشاركة الأصلية كتبت بواسطة تباريح الروقي علي نذر كان الله محييني ومحييك مابـدّل بزولك .. يابعد كل الأزوالي \ ااااااااااااااالله الله,,,,,,,,,صح ذوووقك يالريم,,, وصح لسان الشاعر...بوووح جباااااااااااااار,,,,,تقبلي مروري يالغلا,,,دومتي بسعاده دائمه

تسسلمين غلاي
لاعدمت هاالطله

[بنت امير]

ياحلو الكلام الليّ ../ يحرّك مافي خافيك
يترجم لك الحالي .. من السانه الحالي

يسلمووووووووووووو

[اصايل]

صح اختيارج

تسلمين ريم ..

[أبوصلال]

صح لسان شاعرها